2. uşaqlıq xatirələrimə ən gözəl töhfələrini vermiş hadisə. başlığı görən zaman gözümdə canlandı həmin günlər. yüngül və xəfif toz-torpaq iyi verən idman geyimi, idman ayaqqabısı, yanında məhlə uşaqların və yaxın ətrafdaki tikinti yerlərini gəzirsən. arabir yazın sakit əsən mehi döngələrdən dönən zaman şiddətlənir və çiyinlərini qaldırıb qısılırsan. baharın özünəməxsus iyi burnunda. və ən əsası özümüzü vacib bir işi yerinə yetirən insanlar kimi hiss edirik. sanki bütün məhlənin taleyi bizdən asılıdır. bununla yanaşı işin özündə "action" da var. işə hətta polislər də qarışa bilər. və ən sonda tonqal qalandığı zaman üzümüzdəki məmnunluq. tonqalın ətrafına bütün məhlə sakinlər toplaşırdı və onların bura yığışmağında sənin də payının olmağını düşünmək xüsusi həzz verirdi.