5. dünən bitirdiyim, indi də təsirində fırlandığım, klassiklər arasında olmağa layiq steinbeck romanı. böyük böhran (1929 - 1939) illərində təsərrüfatla məşğul olaraq həyatını təmin edən ailələrin yaşanan quraqlıq səbəbi ilə ( dust bowl) torpaqları yararsız hala gəldiyindən gəlir götürə bilməyib, iş üçün evlərini tərk etmək məcburiyyətində qalaraq səfilliyə yönələn həyatlarının ədəbiyyatda yerini almasının nümunələrindən biri. 30-cu illərin amerikasında didərginlərin (okies) dramını joad ailəsi üzərində cəmləyərək, onların ətrafında cərəyan edən hadisələrə yerləşdirərək təsvir edir.

qarnıtox təbəqə olduqca az məbləğ ödəyərək qarnını doyurmaq üçün bir tikə çörək qarşılığında belə işləməyə razı minlərcə didərginin əməyindən istifadə edir, lakin onlara verə biləcəyi o artıq məbləği əzilən camaatın aclığı, səfaləti qəzəbə çevrilib onları mübarizəyə sövq etməsin deyə onları daha da əzməyə xərcləyir. polislərin sadə camaatdan olduqları halda yuxarıların maşasına çevrilməsi və başqa xeyli nüansı görmək üçün çox da uzağa getmək lazım deyil, elə bu gün də dəyişməyib dünyanın ədalətsizlik anlayışı. kitabdan onlara səslənib deyirəm ki,
“and in the eyes of the people there is the failure; and in the eyes of the hungry there is a growing wrath. in the souls of the people the grapes of wrath are filling and growing heavy, growing heavy for the vintage”.