47. son vaxtlar youtube'a girəndə ağlıma gələn ilk şey işidlə bağlı videolara baxmaqdı. videolardan birində əcnəbi jurnalist işid komandirlərindən biri ilə maşında müsahibə ala-ala gedirlər. birdən komandir maşını saxlatdırıb bir kişini yanına çağıraraq deyir, o sənin arvadındır? cavab bəli olduqdan sonra, komandir tövsiyə edir ki, çadrasını daha düzgün geyinsin, əzaları kənardan hiss olunur. sonra hərəkətə davam edirlər və gülə-gülə jurnalistə deyir ki, əvvəlcə insanları xoşluqla düz yola dəvət edirik, nəticə verməsə, zorla etdiririk.

eyni videoda başqa bir kadrda həbsxanadakı məhkumlardan müsahibə alırlar. biri deyir ki, məni bura evimdə içki saxladığıma görə gətiriblər. qətiyyən burda olmağıma təəssüflənmirəm. çox şükür ki, burdayam və mən burda namaz qılmağı da öyrənmişəm.

başqa bir kadrda insanlar komandira yaxınlaşıb bir məsələ ilə bağlı etirazlarını bildirdikdə o, sakit şəkildə onlara problemim "hüquqi" yolunu izah edir.

digər kadrda işidin şəriət qaydalari ilə işləyən məhkəmələri göstərilir. məlum olur ki, xristianların işinə ayrı, müsəlmanların işinə ayrı hakimlər baxır.

başqa bir kadrda müsəlman olanların qeyri-müsəlmanlardan daha az vergi verməsi göstərilir.

başqa bir kadrda türkiyədən razılıq edirlər ki, tibbi və digər yardımlar göstərir.

və s...

qısacası, bu videoya baxan istənilən gic fanatik rahatlıqla işidə qoşulmaq qərarına gələ bilər. əcnəbi jurnalist işidi əla reklam edib.

indi gələk, işidə qarşı döyüşən şiə döyüşçülərinin fikirlərinə. onların əsas dəstəkçisi irandı. əsas problemləri məhdud hərbi sursata malik olmaqlarıdı. bir şeyi deyirlər ki, öldürdüyümüz işid üzvlərinin çoxu ərəb deyil və üzərlərindən başqa dövlətlərə aid vəsiqələr çıxır. çox maraqlıdı ki, bu fikri işidə qarşı döyüşən 95%-i kürdlərdən ibarət peşmərgə əsgərləri də bir çox videoda deyir.

israildən olan bir jurnalist peşmərgəyə əsir düşmüş 2 işid mənsubundan müsahibə alır. suallara cavab olaraq hər ikisi xeyli günahsız insan öldürdüyünü etiraf edir. insan öldürəndə özlərini nə yaxşı, nə də pis hiss etdiklərini deyirlər. öldürmə əsasını onların qeyri-müsəlman (o cümlədən, şiə), daha dəqiqi kafir olmaları ilə əlaqələndirirlər. döyüşlərə başlamamışdan qabaq çox vaxt komandirləri tərəfindən onlara narkotik maddələrin verilməsini etiraf edirlər. onlara ən çox yardım edən xarici dövlətlərin səudiyyə və türkiyə olduğunu deyirlər. döyüşlərdə ən çox peşmərgəyə qarşı çətinlik çəkdiklərini, digərlərini asanlıqla geri çəkə bildiklərini bildirirlər.

peşmərgələr tərəfindən çəkilmiş bir çox videolarda işidin bomba yüklü sui-qəsd avtomobillərinin sərrast atəşlə vurulması görünür. inanmıram ki, peşmərgənin uzaq məsafədən hərəkət edən hədəfi sərrast vuran silahları olsun. bunu onlara abş verib. çünki bir çox videolarda iraqda xidmət etmiş keçmiş abş əsgərlərinin qayıdıb peşmərgə üçün döyüşdüklərindən bəhs edilir. hətta onların sırasında kanadadan, polşadan, almaniyadan olan hərbçilər də var. izlədiyim videolara əsasən deyə bilərəm ki, bu günə kimi ən az itki ilə işidə ən çox zərbə vuran peşmərgə olub.