117. elə bilirsən asandır?

elə bilirsən asandır, bir bədəndə beş olmaq,
çabalamaq, vuruşmaq, amma içdə leş olmaq?
elə bilirsən asandır, özün olmaz-öz olmaq,
doğru olub, düz olmaq, havasız bir köz olmaq?
elə bilirsən asandır, bir yazını bitirmək,
və yazını yazarkən öz fikrini itirmək?
elə bilirsən asandır, gəncliyini yaşamaq,
dırmanmaq basamağı, sərhədləri daşlamaq?
söküb başdan başlamaq, ümidlərinə “kaş” demək?
elə bilirsən asandır, hərkəsi “çağdaş” etmək,
yeniliyi gətirib, cahilliklə baş etmək?
elə bilirsən asandır, keçmişindən dərs almaq,
indini yaşıyıb, sabahı qırağa qoymaq?
elə bilirsən asandır, “yox” deyib təkrarlamaq,
cavablamaq, “hə” deyib, sonrasına qatlanmaq?
elə bilirsən asandır, özülünlə üzləşmək,
özün riyakar olub, hamını tənqid etmək?
elə bilirsən asandır, necə varsan o olmaq,
qəh-qəhədə batıb, göz yaşında boğulmaq?
elə bilirsən asandır, bildiyini anlatmaq,
anlatdığını bilib, həqiqətinə varmaq?!
-proconfessor