18. milli mentalitet bir milləti millət edən, onun milli prinsipləri və dəyərləri üzərində qurulan milli düşüncəsidir. günümüzdə mentalitet anlayışı ancaq gic-gic mövzularda müzakirə olunduğu və boş-boş mübahisələrdən artıq çeynənmiş saqqız kimi çürüdüyü üçün əsl mahiyyətini itirmiş və bir baxımdan elə bu səbəbdən də bir millət olaraq bizi biz edən dəyərlərimizi də bizdən uzaq salmışdır. milli mentalitet deyilen "toplu"nu tamamilə görməzdən gəlmək və ümumiyyətlə adı çəkiləndə hürkərcəsinə üzərinə hücum çəkib ağına qarasına baxmadan ağzına gələn kimi bu anlayışı məhv etməyə çalışan insan mənim gözümdə düşünməyi bacarmayan insandı. biz əgər özümüzü düşünən beyinlər hesab ediriksə və düzgün düşünməyə çalışırıqsa, onda biz nəyisə məhv etməməliyik. əksinə onu daha da mükəmməlləşdirməyə çalışmalıyıq. belə davam etməklə biz bizi biz edən dəyərləri məhv etməyə doğru yönəlirik.

bir entry`imdə yazdığım kimi, insan nə düşünürsə odur. çünki bizi də biz edən beynimizdəki düşüncələrimizdir. nə əynimizdəki cins şalvar, nə ayağımızdakı nike ayaqqabı, nə boynumuzdan asdığımız canon fotoaparat, nə də başımızdakı norka papaq deyil. ancaq düşüncələrimiz. bizim özümüz, mənliyimiz. və əgər biz azərbaycanlı olmaq istəyiriksə onda bizi biz edən düşüncələrimiz milliyyətimizi təyin edən dəyərlərlə uzlaşmalıdır.

bu gün özünə azərbaycanlı deyən, amma əlinə imkan düşən kimi azərbaycanlıları itin götünə soxub çıxardan, əlindan gələni ardına qoymayan, azərbaycanı və azərbaycan millətini yerdən-derə vurub ağzına gələni deyən, milli dəyərlərini normal adam kimi qorumağa çalışanları təhqir edən insanları düşünəndə istər-istəməz ağlıma bizim azərbaycanlı müsəlmanlar gəlir. indi deyəssiz ki, nə dəxli var ki??? izah eliyim nə dəxli var. bizim bəzi "müsəlmanların" müsəlmanlığı dillərində qalır. ancaq dildə allaha inanırlar, amma islamın bütün qaydalarını istisnasız pozurlar və sora da arsız-arsız özlərinə bəraət qazandırırlar ki, bizim ürəyimiz təmizdi, əsas ürəkdi. əslində onların heç biri müsəlman deyil. niyə? çünki "səni müsəlman edən nədir? müsəlman olub da neyləmisən?" sualına verəcəyi cavabı yoxdu. yuxarıda dediyim insanlar da bax belə yalançı azərbaycanlılardır.

biz özümüzə müsəlman deyiriksə, müsəlmanı təyin edən kriteriyalara cavab verməliyik. həmçinin özümüzə azərbaycanlı deyiriksə, əlbəttə ki, bizi də təyin edən kriteriyalar olmalıdır. indi mən sizdən soruşuram, sizi azərbaycanlı edən nədir? azərbaycanlı olub da neyləmisən? səni ingilisdən fərqləndirən nədir, onu ingilis, səni azərbaycanlı edən nədir? bu məsələ sadəcə olaraq azərbaycanda doğulmaqla bitmir. çünki yuxarıda dediyim kimi heç nə yox, yalnız sənin düşüncəndir səni təyin edən.

bu baxımdan yəqin hər kəsə aydın olur ki, milli düşüncə, milli dəyər, adət-ənənə, mentalitet və s. azərbaycan millətini təyin edən bu "milli"lər azərbaycan millətinin dayaqları sütunlarıdır. həmçinin əgər özümüzə azərbaycanlı deyiriksə, onda bizim də diqqət etməli olduğumuz şeylərdəndir. bizim üstümüzə düşən vəzifə bu dəyərlərə hücum çəkib gözüyumulu ucdan-tutma hamısını məhv etmək yox, onları qorumağa çalışmaq və gələcək nəsilə düzgün şəkildə (vurğuyla qeyd edirəm) ötürməkdir.

əgər bu gün biz milli dəyərlərimizə təpik atsaq sabah azərbaycanlı deyə bir şey qalmayacaq. düşüncələrə olan hücumdan qorumalıyıq özümüzü. keçmişdə milləti məhv etmək istəyən müharibə elan edib hamısını qılıncdan keçirməyə çalışırdı. amma indi elə deyil. indi düşüncə müharibəsidir. millətin beynini məhv eliyir və millətin fərdləri artıq azərbaycanlı deyil, onların təyin etdiyi nəsə olur. beləliklə həm millət məhv olur, həm də köləyə çevrilir. bir daşla iki quş. doğrudan da dahiyanə deyilmi?

kim olduğumuzu unutmayaq dostlar...