34. filmin təzə göstərildiyi və hər kəsin filmdən özünə görə məna çıxartdığı vaxtlarda filmin sonluğu ilə bağlı maraqlı məqalə oxumuşdum. nədənsə o vaxt çox da diqqət yetirməmişdim. dünən filmi 100753 dəfə izlədim və irəli sürünən versiya ağlıma batdı.

--spoiler--

filmin sonlarına yaxın dr amelia brand ilə cooperin yolu ayrılır. amelia edmundun planetinə uçur, cooper isə qara dəliyə girərək a planını həll etməyə qərar verir. qızına gərəkən mesajı verdikdən sonra dəlik sıxılmağa başlayır və cooper tamamən huşunu itirir. təxmin isə ondan ibarətdir ki, cooper əslində elə ordaca ölür. çünki, dəliyin cazibə qüvvəsi hər şeyi parça-parça eləyir və cooperin ordan sağ çıxması qeyri-mümkündür. bu isə o deməkdir ki, cooperin ondan sonra gördüyü hər şey ölüm qabağı hallusinasiyadır. dr mannın " deyillər insan öldüyündə gördüyü son şey uşaqları olur" sözləri yəginki elə-belə deyilməmişdi filmdə. yəni cooperin son olaraq öz qızını görməsi təsadüfi deyil. murph xəstəxanada uzanarkən ətrafında duran evladlarının və nəvələrinin cooperi yəni öz babalarını gördükdə ona biganə yanaşmaları və umumiyyətlə kosmik stansiyanın sürrealistik xarakter daşıması düşünürəm ki, bu teoriyanın leyhinə olan amillərdəndir. üstəlik murph cooperə amelianın hələ də edmundun planetində olduğunu və atasının onun yanına getməsini istəyir. amelianın edmundun planetində olduğunu sadəcə cooper bilirdi. murph bunu hardan bilə bilərdi? həm də ki, dəlik artıq bağlanıb. dəliksiz isə amelia ilə cooperi milyonlarla il ayırır. bəlkə mən diqqətsiz baxmışam. qaçırtdığım bir şey varsa biri düzəltsin.
bir nyuans da var. məsələn filmin əvvəlində murph otağındakı birinə ghost/ruh deyir. sonradan gördüyümüz kimi ruh dedikləri cooper olur əslində. bu da bir növ cooperin ordan sağ çıxmadığına dair işarədir.
nolan filmlərini qeyri-müəyyən sonluqla bitirməyi sevir. inceptionda olduğu kimi məsələn. bəlkə interstellar da istisna deyil.

--spoiler--