1. beynim dayanmır. daim işləyir, fikirləşir. hətta yatanda belə fikirləşirəm. sabahın planını qururam. amma onu ilk dəfə görəndə beynimdəki hər şey susdu. bütün səslər, görüntülər yox oldu. o an beynimdə sadəcə bir görüntü qaldı. birinci parta, və dirsəklənərək mənə baxan qız. o gündən sonra beynimdə ancaq onun görüntüləri, səsi qaldı. əli ilə saçını arxaya atması. yaşıl gözləri, gülüşü, səsi, mənə baxışı. heyf ki, ona yaxınlaşmağım illər aldı. yaxınlaşanda isə artıq gec idi. onun bir məqsədinin olduğu və mənim bu məqsəddə ona əngəl ola biləcəyimi bildirdi. bu yaşıma qədər beynimə ilişən ən gözəl şey idi. onu hər görəndə sadəcə səssiz baxışmalarımız qalıb. onun belə rahat olub, mənim olmamağım məni məhv edirdi. gördüyüm 5 yuxudan 4ü ona aid olurdu.
çoxdandı onu görmürəm. beynimdə onun görüntüsü dumanlaşır. səsini unutmağa başlayıram. artıq yuxularıma da girmir.