56. şəxsən bədbəxt saydığım insandır. insan dünyada bu qədər gözəl, maraqlı, yaşamağa dəyər şeylər var ikən niyə milliyətə, dini inanca, neftə, torpağa görə insanların bir-birini öldürdüyü müharibəni arzulayar? insanları tarixən gücə, hakimiyyətə qarşı obsessivliyi olan şəxslər manipulyasiya edərək müharibəyə cəlb etmiş, müharibəni azadlıq, xoşbəxtlik, vətəndaşlıq borcu kimi insanların beyninə yeritmişlərdir. yaxın keçmişdə də dövrün abş hakimiyyəti neftə görə iraqı işğal etmək üçün müxtəlif oyunlar qurmuş, vətəndaşlarını manipulyasiya edərək "ədalətli müharibə" aparacağına inandırmışdır. rusiyanı və digər hər şeyi qoyaq bir qırağa; tutaq ki, azərbaycan hücuma keçdi və müharibə başlandı. məlumdur ki, iki tərəf də bütün hərbi və mülki gücündən istifadə edərək üstünlük qazanmağa çalışacaq. iki tərəfdə böyük itkilər verəcək və bir ehtimal da var ki yenidən məğlub olaraq torpaq itirməkdir ki, bu daha böyük faciəli nəticələr doğuracaqdır.
müharibə fikrini insanlarda yox etmək, onları təhsilə cəlb etmək, dünyagörüşünün inkişafına şərait yaratmaq, məcburi hərbi xidmətə yox demək lazımdır. rahatlıqla deyə bilərəm ki, normal təhsili, dünyagörüşü olan şəxs heç vaxt heç kimdən müharibə tələb etməz.