1. 1989-cu ildə ssri-də "yenidənqurma" və "aşkarlıq" siyasətinin təsiri ilə ssri-də və sovet yönümlü respublikalarda başlanan demokratik və inqilabi hərəkatlar rumıniyaya da sıçradı və rumın xalqı 1965-ci ildən ölkəni idarə edən qəddar diktator nicolae ceauşescu-nun istefasını tələb etmək üçün meydanlara axışdı. rejimə xidmət edən polislər bir müddət xalqı meydanlardan çıxarmağa cəhd etsə də uğursuzluğa düçar oldu və çox keçmədən hadisələrə ordu müdaxilə etdi. 22 dekabr 1989-da inqilabın artıq bütün ölkəyə və eləcə də paytaxt buxarestə yayılması ordunu xalqın tərəfinə keçməyə məcbur etdi və beləcə nicolae ceauşescu və baş nazir müavini arvadı elena-nın diktaturası sona yetdi. diktator və arvadı devrildiyi gün buxarest-dən qaçsa da ordu tərəfindən ələ keçirildi və hərbi məhkəmə tərəfindən 25 dekabr 1989-da, hakimiyyəti zəbt və istismar etmək, rüşvətxorluq, vətənə xəyanət ittihamları ilə ölüm hökmünə məhkum edildilər. hərbi məhkəmənin qərarı ilə ər-arvad ceausescu-lar elə qərarın verildiyi gün (25 dekabr 1989) güllələnir. elena güllələnəndə 73, nicolae ceauşescu-nun isə 71 yaşı var idi.
inqilab nəticəsində rumıniyada sovet yönümlü hakimiyyət devrildi, xalq hakimiyyəti formalaşmağa başladı.