16. mənə həmdəmdi yenə qüssə, kədər, qəm bu gecə,
halıma hali deyil bir nəfər adəm bu gecə.
yığışıb başıma dünyada nə qəm qüssə ki, var,
aləmin dərdi olubdur mənə həmdəm bu gecə.
yel də əsmir aparib çatdıra ta dilbərimə,
ağlayıb sızlamışam mən ki, dəmadəm bu gecə.
bir mənəm bir də sükunət bu qaranlıqda oyaq,
elə bil daş kimi yatmiş bütün aləm bu gecə.
gördü həsrətdə yanan aşiqi tənha elə bil,
şəm' ta sübhədək oldu mənə məhrəm bu gecə.