9. ailəyə deist olmağını açıqlamaqla arasında heç bir fərq yoxdur. atam ateist kimi bir şeydi, dünya-axirət vecinə də deyil, qardaşım öz aləmində dindar, anam isə ailəsindən gələn qatı şiəlik ucbatından müsəlmandı. o da atası hacı olmasaydı, xristian olacağını deyir. allaha işi düşməsə dua-zad oxuyan deyil.
bu kimi mövzuları ailəyə açmağın mənasızlığını illər əvvəl dərk etmişəm, ancaq bir gün nəsə damarım tutdu, anama dinlərin mənasızlığından, uydurma yunan tanrılarından bir fərqləri olmadığından danışdım. daha sonra isə deist olduğumu, onların allahına inanmadığımı dedim. dirəşdi ki, yox e sən müsəlmansan. dedim nə əlaqə ala? dedi müsəlmanlıqdan çıxmamısan, ancaq başqa dindən biriylə evlənsən, dinin dəyişə bilər. nə qədər dedimsə, gördüm ki, dəyişən bir şey olmayacaq. dedim hə yaxşı. atamla dindar qohumlarımızla öz aramızda məzələndiyimiz də olub, qardaşıma arada qurandan bəzi şeylər oxuduram, məni dindən çıxartmağa çalışma deyib gedir. amma bu uşaqda bir işıq görürəm, onu da öz yanıma çəkəcəm, sözlük.