5. sevgi evliliyindən daha uzun sürdüyünü düşündüyüm evlilik şəkili. doğurdan da, bir-birini illərdir sevən, bir-birindən ötrü dəli divanə olan cütlüklərin niyəsə çox qısa müddətdə aralarında ciddi problemlər olur. hətta bu problemlər ayrılmalara qədər də gedib çıxır. məncə bunun səbəbi odur ki, məntiq evliliklərində tərəflərin bir-birindən çox da gözləntisi olmur. iki tərəfin də məqsədi "evlənmək üçün evlənmək" olur. kişi üçün qadının onu ata eləməsi, uşaqların tərbiyəsi ilə məşğul olması, ev işlərini görməsi demək olar ki, kifayətdir. qadın üçün də kişinin ailəsinə pul qazanması, vaxtında evə gəlməsi, onunla pis davranmaması və ona xəyanət etməməsi lazımdır. hətta bu tip ailələrdə kişinin qadınına xəyanət etməsi də bəzən qəbul edilir. ana öz uşaqlarının gələcəyi üçün buna da bəzən göz yumur.
ancaq, sevərək evlənənlərin işi çətindir. yuxarıda saydıqlarımla birgə tərəflərin daha çox gözləntisi var. sevgili olduqları müddətdə yaşadıqları həyatı evli olarkən yaşaya bilmirlər. çünki, məsuliyyət var, ailə normaları var. sevgili olan vaxtlar tərəflər bunun üstündə ciddi-ciddi düşünmürlər. sevgi vurur kəllələrinə elə bilirlər ki, evlənəndən sonra da hər şey belə olacaq. amma çox vaxt olmur. və bu tip ailələrin dağılması ehtimalı daha çoxdur nəinki məntiq evliliyi ilə evlənənlərin.