2. bildirimin azərbaycan dilinə tərcüməsi(bildirim türkcədir). dilimizdə qarşılığı ola-ola bildiriş deyil bildirim yazılması absurddur məncə. hə, bildirim bildirişdən tamam mənanı ifadə etsə, bildiriş sözünün ifadə edə bilmədiyi qaranlıq tərəfləri açsa deyərəm ki, lap yaxşı. bildiriş sözü bu mənanı ifadə edə bilmirdi, amma bildirim sözü edir. halbuki, heç iynə ucu boyda da fərq yoxdur.
bir varlığa ad verərkən onun hər hansı bir əlamətinə görə verilir. bəzi şeylərə iki ad verilə bilər. ancaq bu adlar o şeyin fərqli tərəflərini göstərməlidir. yoxsa mənasızlıq olur ortada. məsələn elə götürək, "bilgi gücdür" ifadəsini. "bilik gücdür" ifadəsi ilə bunun arasında heç zərrə qədər də fərq olmaya-olmaya niyəsə sözlüyün literaturasında bu ifadələrə yer verilir.