6. bir müraciət forması. amma hər hansı bir müraciət forması deyil. xüsusi bir müraciət formasıdır, daha doğrusu xüsusi bir qrupa məxsus müraciət formasıdır. qrupun əlamətlərini aşağı-yuxarı bilirsiniz. çeçenka saçlı, makasinli də ola bilərlər, normal geyimli rayon insanı da. fikrim, bu qrup haqqında danışmaqdan çox niyə gündəlik istifadədə bu sözdən istifadə etməməyə çalışdığımızı bildirməkdi. ən azından şəhərin içində, nə bilim, tarqovuda, sahildə, 28-də olanda başqa müraciət formalarından istifadə edirik. hətta qaqa deyənlərə də yuxarıdan aşağı baxırıq.
əslində qaqa sözü heç bir mənfi mənanı ifadə etmir. dostum, qardaşım kimi ifadələrlə təxminən eyni mənanı daşıyır. məsələn, karrinoy bakılılar qəqəni deyirlər. qaqa sözüylə eyni mənanı verir. amma heç kim bu ifadəni işlətməkdən utanmır ya da bu ifadəni işlədənə yuxarıdan aşağı baxmır. çünki, problem sözün özündə deyil. sözü işlədən qrupdadı. sən, mən, başqaları bu sözü işlətməkdən imtina ediriksə sözün pis oçmasına görə deyil, sadəcə özümüzü o qrupla identifikasiya etməməyə çalışırıq. mən şəxsən istifadə etmirəm bu sözdən. istəmirəm ki, məni o qrup insanlardan bilsinlər.hamımız istəyirik ki, bizi onlarla bir tutmasınlar. çünki, şəhərdə harda səviyyəsizlik görürsənsə altından qaqalar çıxırlar. harda mədəniyyətsizlik görürsənsə altından qaqalar çıxırlar. bakının öz yerli əhalisi də çox da peyğəmbər övladı deyillər. mən onların içində yaşayıram və bilirəm. çoxu tip olurlar. ancaq, nə qədər də olmasa sosial normaları, etikanı gözləyirlər. amma haqqında danışdığım qrup tam bir fiyaskodur. burdan elə çıxmasın ki, bu sözdən istifadə edənlərin hamısı tərbiyəsiz, mədəniyyətsizdir. xeyr, əsla. sadəcə, mədəniyyətsizlərin əksəriyyəti bu sözdən istifadə edirlər. bu qədər.