1. çox pul xərclənərək saxlanılan, lakin faydası ilə heç öz xərclərini qarşılamayan əşyaları, tikililəri bildirən ifadədir. ifadənin siam krallığında saxlanılan albinos fillər səbəbilə yarandığı güman edilir. belə ki krallar bu filləri tanrının hədiyyəsi hesab edib, onların güc, ədalət və sülh gətirdiyini güman edirmişlər. bu səbəbdən onlardan heç bir xeyir görmədən xüsusi qayğı
göstərir, onların heç bir əziyyət çəkməməsini təmin edirmişlər. qara at (dark horse) xüsusilə yarışlarda gözlənilmədən uğurlar əldə edənləri nəzərdə tutan ifadədir. ifadənin yaranmasına səbəb at yarışları olmuşdu. belə ki, şans oyunu zamanı heç kimin tanımadığı və bu səbəbdən heç bir pul qoyulmamış at qalib gəlmiş və bir çoxları atın adını da bilmədiyindən həmin at elə “qara at” kimi məşhurlaşmışdı.