142. görəsən mehmansevərlərin gözlərinə yuxu gedir?

bu gədə barədə elə sözlər danışırlar ki, adam özünü hiss edir. biri "mehmana təzyiqlər çoxdur" deyirdi, bir başqası "hakimiyyət mehmandan qorxur", o birisi "mehman villaları çəkirdi". puah atonnan sənün!
1-cisi, o biri siyasi məhbuslara təzyiqlər daha çox olub. deyəsən heykələ yazan uşaqların başına nə oyunlar gəldiyindən xəbərləri yoxdur.
2-cisi, hakimiyyət avara bir gədədən niyə qorxsun ki?! bəlkə mehman terrorçu-kamikadze idi? yoxsa mehmanın arxasında putin dayanırdı? ya mehman kənd təsərrüfatı nazirinin maşınını cızırdı? qətiyyən. bu hakimiyyət bu insanları qorxusundan deyil, prinsipə görə tutub-basır içəri. ancaq bu başqa başlığın mövzusudur.
3-cüsü də, bəyəm o villalar xırda məmurlara aid deyildi? xəbəriniz yoxdur ki, şüvəlan qəsəbəsində 100-lərlə o cür villa var? hamısı da iribuynuzlular üçün nəzərdə tutulub. özü də küçəyə çıxıb, 10 adamdan soruşsan 7-si düzgün cavabı verəcək. bu saat balaca uşağın da hər şeydən xəbəri var.

yuxarıda da qeyd edildiyi kimi; mehman kimi odlu-alovlu danışıb sonra "u" dönüşü edən çox adam olub; həmid herisçi, eynulla fətullayev, rauf arifoğlu, azər həsrət, 2-3 nidaçı gənc. bunlar yadımızdan çıxmayıb.
bir yazarın da qeyd etdiyi kimi - böyük qardaşını da gördük. sahibi olduğu internet kanalını bağlamışdı. iç paltarının düyməsini bağladığı kimi. elə ki, mehmanı tutdular, təzədən danışmağa başladı. necə deyərlər, öz quyruğu tapdalananda demokratiya, ədalət zırt-pırt yada düşdü.


sözümün canı odur ki, mehmanın həbsi əlbəttə ki, doğru deyil. lakin mehman üçün edilən həyasızlığın 1%-i heykəl məhbusları üçün edilsə daha yaxşı olar.