36. işçilərinin ölkə daxili reyslərin sərnişinlərinə üçüncü sinif insan rəftarı göstərən "tək əl" hava yolu şirkəti.
bir dəfəsində bakı'dan, naxçıvan'a gedərkən azal'ın işçilərinin yerli sərnişinlərə rəftarını gördüm. sərnişinlərin çoxunun rayon sakini olmasından istifadə edib, eqosunu şişirtməyə çalışan kim, səsini başına atıb "sənə demədim qıraqda dur" deyən kim, hamısı qarışıb bir-birinə. ümumiyyətlə, nəinki etik qaydaları gözləmirlər, hətta sual verəndə cavab vermək əvəzinə sərnişinə boz olurlar.
bu cür təəssüratlarla əlimdə noutbuk və şəxsi əşyalarım olan çanta ilə təyyarəyə minik üçün yoxlama yerinə yaxınlaşdım. noutbuku çantasından çıxarmağımı söylədilər, çıxardım. yoxlamanı keçib, noutbuku çantasına qoyurdum ki, uzun boylu bir oğlan yaxınlaşdı ki bəs kompyuteri işlətməlisən. niyə dedim, cavabında mənə "nə dediyimi eşitmədin?" dedi. bir neçə saniyə göz-gözə gəldik, elə hiss etdim ki dediyini həmin an etməsəm məni bu an döyəcək. nə isə, kompyuteri işə saldım və oradan ayrıldım. əvvəl belə bir şey olmadığına görə xəbərim yox idi, ona görə də həmin anda təəccüblənib, sual vermişdim. sadəcə o işçi yox, qızlı, oğlanlı hamısının eqoları tavandadır. oğlan işçilərə nəsə deyəndə sərt, kobud cavab verir. qız işçilər isə özünü heç oralı qoymur, ümumiyyətlə saymır.
əlbəttə ki, bütün bunların səbəbi azal'ın "tək əl" olmasıdır. rəqabət edən yoxdursa, keyfiyyətə niyə önəm versin ki? onsuz uçmağa məcbur olan hamı azal'dan istifadə etməlidir.