19. insanları kannibalistik məxluqlara çevirən virusun yayılmasından 1 ay keçmişdi. bunun virus nəticəsində yarandığını elm adamları açıqlamışdı. və ardınca qeyd etmişdilər ki buna bir çarə hələ ki tapılmayıb. xalq buna elə də reaksiya vermədi. sonra şəhərdə birinin şortik geyindiyi xəbəri gəlmişdi. xalq çılğına döndü.

ilk zombi orduda yaranmışdı. komandir ilk öncə bunun işlərdən yayınmaq üçün aktyorluq edən biri olduğunu zənn etdi. və həmin “əsgərə” 50 jim vurma cəzası verdi. zombi , əsgər yoldaşına hücum edib beynini parçalayaraq yeyəndə komandir işin ciddi olduğunu anladı. və jim sayını 100-ə yüksəltdi. dişlənmiş 1-2 əsgər də ordaca transformasiya olmağa başlamışdılar. bütün bunların həqiqət olub-olmadığından əmin deyilik. hadisəni jurnalistlərə danışan hərbçi beyninin çönərək komandirə kəllə atdığını , ordan birbaşa general otağına getdiyini , qapını təpiklə açdığını və generalın əlinə süpürgə verib zombi məsələsini həll etməyə yolladığından da bəhs etmişdi.

balaca , klostrofobik otaqda yaşayan kasıb tələbə qəhrəmanımız zombilərin yaranmasından bixəbərdir. çünki televizor almağa pulu yoxdur. əsas məşğuliyyəti qonşuların wifi-na telefonuyla təcavüz etməkdir. tələbəmiz öz yaşayış tərziylə “cinayət və cəza”nın raskolnikovunu xatırlada bilər. özü də hərdən dünyadakı pisliklərdən bezib bunu dəyişmək üçün kimisə baltalamaq eşqinə düşür. amma biraz düşündükdən sonra “yox əşi...gijdıllax olma” deyərək öz-özünə gülür.

səhərə gözəl bir masturbasiya ilə başlamaq istəyərkən sabununun bitdiyini görüb məyus olur. marketə düşür. 2ci mərtəbədəykən qulağına həmişəki kimi meyxana deyən alkaşların səsi gəlir. yaxınlaşdıqca sözlər açıq-aydın eşidilir : “...neyniyir sənin nənön? beyin yernə başqa orqan xoşluyur. zombilərdə beyni yaman xoşluyur...”. bu işdə nə isə qəribəlik olduğunu sezir.