1. 1993'cü il abş istehsalı romantik, kriminal janrda olan *tony scott* filmi. baş rolda *christian slater*, *patricia arquette* oynayıb, eyni zamanda filmdə *brad pitt* də var.
film, clarence (christian slater) və fahişə alabama (patricia arquette) arasında olan eşqdən bəhs edir. ikilinin gözlənilməz məhəbbəti, alabama'nın satıcısını hərəkətə keçirir və hadisələr də bundan sonra başlayır.
romantik filmlərin arasında ən sevdiklərimdəndir. bu filmə ilk dəfə türkiyə'nin nostalji filmlər verən *planet sinema* kanalında baxıb, sevmişdim. həmin kanalda bu filmi dəfələrlə versələr də mən sadəcə bir dəfə yarısına qədər baxa bilmiş, filmi bitirə bilməmişdim. sonralar yify versiyasını yükləyib, izlədim.
məhəbbətin sərhəd tanımadığını göstərən bir filmdir. mütləq izlənilməlidir.