5. çoxdandı yazmırdım, əslində çox da yazdığımı demək olmaz. sadəcə başlıq tanış gəldi. 3-4 il əvvəl bir qızla danışırdım, qız sıradan deyildi. bu mənim üçün əsas kriteriyadı demək olar. nəysə, ilkin tanışlıq suallarını, futbol dili ilə desək kəşfiyyat xarakterli oyundan uğurla keçdikdən sonra ən yaxşı müdafiə hücumdur deyib başladım qazandığım 1-2 uğur haqqında ağız dolusu yazmağa. qız axırda yazdı ki, bəs səyahətlə aran necədi. dedim aram yaxşıdır, elə aran da yaxşıdı, ətrafı pisdi. demək olar, aran`dan başqa elə heç yerdə olmamışam. o da başladı ki, mən düzü ən çox olduğum yerlərdən skandinaviyanı bəyənmişdim. paris çox klişe gəldi, milanda filan şey elədim, ispaniyada bunu elədim. blöf edir deyə düşündüm, amma bu vaxt gələn instagram follou`nu qəbul etdi notificationu mənim və bizim bu kiçik oyunumuzun başlanğıcının sonu oldu. gördüm ki, bu oyunda mən san-marinoyam, qız isə hollandiya yığması. birinci hissə 3-0 olanda ikinci hissəyə çıxmasaydılar oyun 3-0 qurtaracaqdı, amma onlar ikinci hissəyə çıxdı və oyun 11-0 qurtardı. san-marinonun etdiyi səhvi mən etmək istəmədim, yazdım ki, görürəm san-marinoyam bu söhbətdə. qız bu zaman dördüncü qolu da vurdu, dedi hə, italiyaya gedəndə orda da olmuşdum..