1. insanı cəngi kimi coşduran siyasi şüar. hər kəsin bildiyi kimi karl marx və friedrich engels tərəfindən yazılmış kommunist manifestində öz əksini tapan şüarın almanca original versiyası (proletarier aller länder vereinigt euch!) hərfi tərcümədə "bütün ölkələrin proletarları birləşin!" kimi olsa da, ədəbiyyatlarda bir çox variantlarda keçir.

əlavə olaraq qeyd edim ki, bu şüara oxşar ifadə kommunist manifestindən 5 il əvvəl feminist və sosialist yazar və aktivist olan flora tristan tərəfindən yayımlanmış the workers' union (1843) kitabında görünüb. həmin xanım soylu nəsildən olmaqla bərabər həm də məşhur rəssam pol qogenin nənəsidir.