1. şərq üslubunda olmasa da, "bazar" adlandıra biləcəyimiz və ilk dəfə almaniya ərazisində qurulan yarmarkalar. əsas xüsusiyyəti noyabrın ortalarından başlayıb 4 həftə davam etməsi olan belə bazar yerlərində əsasən əl işi məhsullar və qidalar, o cümlədən, milli atributlarla zəngin işlər nəzərə çarpır. glintveyn olmazsa, olmazlardandır. əsasən, şəhərin qədim hissələrində qurulan və avropanı christmas ərəfəsi cənginə alan belə yarmarkalardan ətrafa yayılan fərqli, xoş ətirlər, ətrafda rəqs edən, deyib gülən insanlar və axşama yaxın şəhəri sehirli göstərən gur işıqlar adamı bihuş edir. amma onu qeyd etməliyəm ki, christmas market'lər heç də yarmarka sayılmamalıdır, çünki qiymətlər ortadan yuxarı olur. ona görə bir stəkan romlu isti şokolad götürüb siqaret çəkərək insanları və işıqları izləmək, həmçinin soyuq qışı içinə alıb mənzərənin keyfini çıxarmaq ən yaxşısıdır. qar da yağırsa, aldığın zövqün tayı-bərabəri yoxdur.