1. hcl-in sintezini son mərhələdə blokada edərək, mədədəki xlorid turşusunun miqdarını aşağı salan maddələr qrupunun ümumi adı. bu maddələr h/k-atfaza fermenti ilə davamlı kovalent rabitə yaradır və fermenti inaktivləşdirirlər. nəticədə h ionunun mədə daxilinə, k ionunun isə əksinə hərəkəti dayanır. bu ion mübadiləsinin baş verdiyi yer proton pompası və ya nasosu, inhibə edən maddələrsə ppi-lər adlanır. hazırda istifadə olunan ən effektiv anasidlər hesab olunurlar.
qısa müddətli istifadələri zamanı halsızlıq, yuxusuzluq, diareya, ürəkbulanma kimi əlavə təsirlər verə bilir. uzun müddətli istifadələr zamanı bəzi bakterial infeksiyalar, ca, mg, fe, b12 çatışmazlığı və başqa təsirlər yarada bilir. həmçinin uzun müddət istifadə olunarlarsa qanda qastrinin səviyyəsi arta bilər. bunun nəticəsində isə orqanizm yetərli xlorid turşusu istehsal etmədiyini düşünüb, turşunun miqdarını artıra bilər.
ppi-lər dispepsiya,hiperasid gastrit, xora, ezofageal reflux, qsiəm-lərlə uzun müddət müalicə zamanı təyin olunur.
omeprazol 20 mg(omez, omeqast, ortanol satış adları ilə)
lansoprazol 15-30 mg (loenzar, lantarol, landobel və s.)
panaprazol 20-40 mg(pantap, nolpaza, gastrazol, stamik və s.)
rabeprazol 20 mg(akirab, rabezol, pariet)
ezomeprazol 20-40 mg(neksium, ezeyra və s.)
qrupa daxil olan maddələrin təsir mexanizmi oxşar olur. lakin, kimyəvi quruluş, təsir müddətinə və s. görə fərqlənirlər. məsələn, rabeprazol və lansoprazol daha sürətli təsir göstərir, pantaprazolunsa təsiri uzun olur.