2. iqtisadiyyatda eyni zaman dilimində müxtəlif yerlərdə eyni mal fərqli qiymətlərlə satılırsa və ucuz olan yerdə alıb baha olan yerdə satmaq üçün tələb olunan prosedurlar (məsələn, ilk öncə xarici valyutanı almaq və qazancı yenidən milli valyutaya çevirmək kimi) zamanı ödəməli olunan əməliyyat xərcləri də nəzərə alındıqdan sonra da gəlir qaçınılmazdırsa, bu vəziyyət arbitraj adlanır. təbii ki, burda əmtəənin daşınmasına dövlət tərəfindən heç bir müdaxilə olmadığını fərz edirik. ümumiyyətlə beynəlxalq ticarətdə ucuz alıb baha satmaqla havadan gəlir əldə etmək şansıdır ki, əksərən elə də uzun müddət davam gətirə bilmir. səbəbi isə bazarın həmişə tarazlığa doğru hərəkətdə olmasıdır. nümunə: əmtəə bazarında arbitraj mövcuddursa, bu şansı görən biznes adamları malı ucuz olan yerdə almağa tələsəcəklər. bu isə eyni sayda istehsal olunan məhsula tələbin artması deməkdir ki, malın qiymətinin qalxması ilə nəticələnəcək. və baha olan ölkədə bu malı satmağa çalışmaq da ordakı təklifi artıracaq. azalan tələbə qarşı artan təklif isə qiymətləri aşağı çəkəcək. beləcə, eyni məhsulun iki ayrı bölgədəki qiyməti bərabərləşənə qədər bu proses davam edəcək. eynisi müxtəlif ölkələrdə pulunuzu bankda əmanət kimi yerləşdirdikdə nominal faiz dərəcəsinin fərqli olmasından irəli gələn daha çox gəlir götürmək arbitrajı olduqda valyuta bazarında da baş verir.
(baxma: uncovered interest parity)