2. riyaziyyatı öyrənərkən qavrama problemi istər uşaqlarda, istər böyüklərdə nadir rastlanılan bir şey deyil. bu elementar anlayışların belə dərk edilməsində çətinlik kimi özünü göstərə bilər, qaldı ki daha mürəkkəb teorem və nəzəriyyələrin öyrənilməsi. bunun adı da var (diskalkuli). əgər bu qəbildən biri deyilsə insan, riyaziyyatı lazım olduğu üçün öyrənmək yerinə, bu dilin (bəli kainatı anlamağımızdakı dil) yaşadığımız dünyanı anlamaqda nə kimi imkanlar yaratdığını dərk edərək işə başlamalıdır. biraz şablon sayılacaq, sevərək girişilməlidir bu işə. hər hansısa imtahandan keçmək xatirinə, yaxud testləri düzgün həll etmək xatirinə deyil. bu əngəl aşıldıqdan sonra isə davamlı praktiki işlərlə məşğul olmaq, öyrənilən anlayışı möhkəmləndirdikdən sonra bir digərinə keçmək və eynilə bina tikərcəsinə bünövrədən ən son mərtəbəsinə qədər gəlinməlidir.