68. bugün elçibəyin anım günüdür
milli azadlıq hərəkatının liderlərindən olan, azərbaycanın eks-prezidenti əbülfəz elçibəyin vəfatından 18 il ötür.
elçibəy 1938-ci il iyunun 24-də ordubad rayonunun kələki kəndində anadan olub. 1957-ci ildə azərbaycan dövlət universitetinin şərqşünaslıq fakültəsini bitirib. azərbaycanda başlayan xalq hərəkatının liderlərindən, azərbaycan xalq cəbhəsini yaradanlardan biri və ilk sədri olub.
1992-ci ildə “ümüd var gələcəyə, səs verək elçibəyə” şüarı ilə məşhur olan və daha sonra prezident seçilən əbülfəz elçibəy nəinki azərbaycanda, hətta türkiyədə belə tanınıb. beləki, türkiyəyə rəsmi səfəri zamanı mustafa kemal atatürk-ün movzeleyini ziyarət edərək “ben atatürkün askeriyim” xitabı ilə sözə başlaması türklər arasında daha çox əbədiləşmişdi.
ancaq, 1993-cü ildə gəncədə başlayan qiyam nəticəsində bakını tərk edərək doğulduğu yer kələkiyə gedən və milli məclisin qərarı ilə səlahiyyətləri ləğv edilən əbülfəz elçibəy fəaliyyətini ömrünün sonuna kimi azərbaycan xalq cəbhəsi partiyasının sədri kimi davam etdirib.
elçibəy 2000-ci il avqustun 22-də müalicə olunduğu türkiyədəki gülhanə hərbi tibb akademiyasında vəfat edib. əbülfəz elçibəy bakıya gətirilərək “fəxri xiyabanda” dəfn edilib.