3. yerimək. məsəlçün, bu gün tamamilə boş idim, demək olar ki, şəhərdə 3 saatdan artıq piyada gəzmişəm. bu məni daha yaxşı düşünməyə, hansısa bir qərar verməli olduğum zaman daha düzgün seçim etməyimə kömək edir. daha çox, dəniz kənarı gəzintilərdən ibarət bu sərgüzəştimin mənsəbini əvvəlcədən müəyyənləşdirmirəm. fikirli başımı ayaqlarım hara aparırsa yorğun bədənim də o istiqamətə yönəlir. amma bu tanımadığım bir şəhərdə baş verirsə, mütləq düşünmək üçün yox, fərqli yerlər kəşf etmək, fərqli insanlar tanımaq, fərqli məkanlara qonaq olmaq üçün yaşadığım adrenalinə, maraqlı bir həyəcana çevrilir.