219. özüm üçün çıxıb gəzirəm bəzən stadionda futbol oynayan uşaqlara baxıram, telefonumu da qeydiyyat etmədiyim üçün blok olunub deyə zəng də gəlmir. yəni axtaranım yoxdur. bu situasiya son 1 ildir belədir. fərdi olaraq isə yalnızlığım illərdir var. bunu özüm istəmişəm. çünki ruhum buna vərdiş edib. bəzən tanıdığım bir neçə adam deyir gəl görüşək. təbii olaraq çox görüşmürəm çünki görüşdükdən bir saat sonra bezirəm. evə getməyə də utanıram ki, ayıb olar indi. acığına gedər ki, buna görə görüşürdün?

yalnızlıq çox göt şeydi. ilk başlar həzz alırsan. çünki vaxtını ancaq özünə həsr edirsən. daha sonra bu yalnızlıq ruhuna işləyir. qayğıya ehtiyacın olur amma qoyanın olmur. çünki nəinki ruhun bütün bədənin buna öyrəşib. yalnızlıq mükəmməl bir şeydir əgər uğurlu bir insansansa.

mən isə uzun təhsil dönəmindən sonra boşluğa düşmüş və gənclik illərinin ortasında gəncliyini yaşaya bilməyən bir insanam. hələlik özümü gənc hiss etsəm də düşdüyüm cəmiyyət çox cansıxıcıdır. bu vəziyyətə özümü əvvəlcədən hazırlamadığım üçün ətrafımda artıq var olmayan həyatımın qalıntıları var.

bir çox insana görə bu normaldır. həyatın bir döngüsüdür və bunu hər kəs yaşayır. sən də yaşamalısan. deyirlər insanı daha da olgunlaşdırır. demək olgunlaşmaq belə bir şeymiş. mənsə universitet pulunu ödəmək üçün qab yuyarkən olgunlaşdığımı düşünürdüm.

bunu oxuyan hər hansı bir insan olacaqsa (ki olacaq) məndən özünə bir nəsihət götürsün. həyatda hər zaman risk alın və məğlubiyyətləri düşünməyin. ala bilmədiyini hər riskə görə daha çox peşman olacaqsınız. həyatdan öyrəndiyim bir neçə şeydən biridir. həyat - sənə nə təklif edirsə qəbul etməlisən.

yalnızlıq həyatında bir döngü (milestone) yaşayırsansa bu çox ağır bir hissdir. nə qədər soyuqlaşsan da hərdən sən də ara-ara istəyirsən ki, kimsə axtarsın səni. tanımadığın və yaxud əvvəllər tanıyıb da çox əhəmiyyət vermədiyin insanla belə danışmaq xoş olur bəzən. əvvəllər heç vaxt keçirmədiyin insanlarla yaşın üzərinə yaş gəldikdə vaxt keçirmək ağır olur. amma sizlər yalnızlığı seçməyin. gördünüz bu hisslər gəlir, çıxın gedin psixoloq yanına.birdə görəcəksiniz ki, gəlmisiniz müəyyən yaşa yanınızda ailənizdən başqa heç kəs qalmayıb və yaxud heç onlar da qalmayıb.

yalnızlıqdan xilas olmaq üçün çoxlu işlərə müraciət etmişəm. çoxu da imtahana çağırıb. amma hər imtahan uğursuz olub və bu uğursuzluqlar ailəmin mənə olan güvənini də sarsıb. sözün düzü bu uğursuzluqlar bir yerdən sonra mənim də özümə qarşı güvənimi azaldıb. əfsuslar olsun ki, gəldiyim nəticəyə görə kimsə mənə sahib olduğu üçün xoşbəxt deyil və bunun fərqinə varmaq insanı daha da üzür.

o qədər çox şey haqqında düşürsən ki, düşüncələr içində yox olursan və ilk olaraq depressiv vaxtlar başlayır. facebook, instagram və bu kimi yerlər səni incidir. daxil olmaq istəmirsən. daxil olarkən belə kimsənin mesaj qutusunu dığırlatmadığını görürsən. həm də artıq hər kəs həyatda tutunmağa çalışır hər kəs birini və yaxud öz xoşbəxtliyi uğruna bir şeylər etməyə çalışır. onları izləmək və bunun fərqinə varmaqdır yalnızlıq. bundan sonra nə qədər çalışsan da düşdüyün mühütdən çıxmaq çox çətindir özü də düşündüyündən qat-qat çətin. çünki ətrafında səni bu mühitdən çıxaracaq insan qalmaya bilər. digər nüans isə içində qopan hayqırışdır. gözlə o addımı atıb yalnızlığını tərk etmə.

yəni ki, yalnızlıq sizlər üçün hər hansı bir serialda və yaxud kinoda göründüyü kimi deyil. yalnızlığın nə qədər qancığ bir şey olduğunu ən yaxşı yaşayanlar bilər. həyatımızı doğru yaşaya bilsək yaşadığımız həyat bir sənət əsəri olar və kənardan keçən hər kəs o infrasturuktura heyrətlə baxar əks halda sartr-ın dediyi kimi cəhənnəmi özümüz yaratmış olarıq.

edit: mesaj atıb dəstək verən yazarlara təşəkkür edirəm. amma bu yazını dəstək görmək məqsədilə deyil sadəcə bu son aylarda hiss etdiklərimi bir yerə toplayaraq qeyd etdim.

edit 2: yalnızlıqdan çıxmaq istəyirsənsə sevgili falan düz-qoş elə deyən yazarlarımıza da demək istəyirəm ki, mən major depressiya yaşamış və hələ də yaşamaq da olan biriyəm. yeni insanlarla görüşmək, yeni insan tanımaq, sevgili edinmək mənim üçün çox çətindir. bunu sizə izah edəcək cümlələri tapanda edit edərəm.