1. bu sifarişi verən: la jolie fille
bu mövzu o qədər genişdir ki, yazmaqla bitməz. qüsur kimi qəbul etdiyimiz hər şey nisbidir əslində. düzü heç vaxt bu barədə düşünməmişəm. nə də kiminsə üzündə və ya bədənində qəribəlik gördükdə bunun qüsur olduğu ağlımdan da keçməyib. keçən həftə yaşadığım bir hadisə məni qüsurlar haqqında çox düşündürdü. qüsurlarımız əslində bizi cəmiyyətə özümüz kimi təqdim edən tək tərəfimizdir. heç fikir vermisiz,birini təsvir edərkən onu qüsurları ilə təsvir edirik. "uzun burun x, keçəl l və ya şəlpəqulaq s". kimsə deyib ki, bizi marka edən qüsurlarımızdır. yəni bizi yalnız qüsurlarımız digərlərindən fərqləndirir. doğurdan da bu belədir. məsələn mən insanları adətən qəribə üz cizgiləri ilə yadda saxlayıram. adicə qızların burun və facelifting əməliyyatları etdirmələri onları qüsursuz və bir-birinin copy-si edir. dindirsən,heç kim də bunu sevmir. hamı bir-birinə bənzəyir deyirlər. lakin bunu deyən o insanlardır ki, başqalarında adi bir burun çəpər əyriliyini belə qüsur kimi qəbul edirlər.
həmin insanlar bizə qüsurun var deməsə,biz özümüzü qüsursuz hesab edərik. yəni ətrafdakı insanların fikirləri bizim fikirlərimizi idarə etməyə başlayır. təsəvvür edin ki, burnunuz böyükdür və bu haqda heç kim sizə 1kəlmə belə demir. siz elə düşünəcəksiz ki, burnunuz normal və gözəldir.lakin insanlar elə aqressiv və qəlbiqaradırlar ki, sizin pis hiss etməniz,kompleksli olmanız üçün hər şey edirlər. cəmiyyətin fərdləri gözəllik mövzusunda bir-birini yeməyə hazırdır indiki zamanda. əgər gözəlsənsə və ya gözəl geyinmisənsə küçədə qarşına çıxan həmcinslərin sənə düşmən kimi baxacaq. və ətrafındakı insanlar səndə qüsur axtarmağa çalışacaq. tapdıqca da bunu sənin üzünə vuracaqlar. halbuki bu heç qüsur da deyil. səndən aslı olmayan səbəbdən yaranan heç nə qüsur deyil. tanrının varlığını şərtsiz qəbul edən insanlar tanrının yaratdığına qüsurlu deyirlər. o qədər absurddur ki, insanlarımız! unutmayın ki, əsl qüsur bizə qüsurlu olduğumuzu deyən insanların gözlərində,beyinlərində və qəlblərindədir.