12. tanım: hər kəsin səviyyəsini, dünya görüşünü üzə çıxarıb, açan tökən platformalar.

artıq birini sosial şəbəkədə 1 dəqiqəlik müşahidə etməklə necə biri olduğu qənaətinə 80% gələ bilirik. (ki düz də çıxır.)
kaş sosial şəbəkələr olmayan dövrdə yaşamaq şansım olsa idi, həqiqətən deyirəm, hörmət bəslədiyim insanların dəyəri sosial şəbəkə hesablarını görəndən sonra yerlə bir olub. insanlar çox bayağılaşıb, süniləşib, tək ali məqsədləri artıq sosial şəbəkədə bir birinə acıq verməkdi. çox az qisim var ki, onların paylaşımlarının səmimiyyətinə inanıram.

ilk başlar chatlar var idi, o dövrdən elə də xəbərim yoxdur, lakin qonşudaki qız girəndə görürdüm, hələ ki iyrənmək üçün səbəb deyildi insanlardan.

facebook, instagram, snapchat kimi platformalar məşhurlaşandan sonra(özəlliklə instagram) bütün insanlar xüsusiliklərini itirdilər sanki.

o qədər həvəssizəm ki yeni insanlarla tanış olmağa. birini tanıyıram, sosial şəbəkədə görürəm, dayazlıqları gün üzünə çıxır və məni məyus edir. artıq insanlar təktip olublar, məsələn özünüz də fikir verərsiz yəqin ki, 10-15 cür qrup var və həmin qruplardaki insanlar da eyni cürdür. istər geyim tərzi, istər musiqi, istərsə düşüncə tərzi, lap elə arzuları, xəyalları. maraqlı insanlar get gedə azalır.

sosial şəbəkələr tənbəlləşdirib artıq insanları. şəxsiyyətlər məhv olub. 5-10 cür gic və səviyyəsizlər düşüb ortalığa, qalanları da onları kumir götürüb plagiatı olurlar. heç istəmirlər özlərini inkişaf elətdirsinlər, düşünsünlər, sorğulasınlar. qısa mükafatlı filmlərdəki şişirdilmiş gələcək təsviri artıq reallaşıb demək olar. tək ali məqsədlər marka geyinib hamının gözünə soxmaq, nə bilim sırf şəkil çəkdirib story paylaşılsın deyə sevgili olmaq, harasa gedəndə o saniyə şəkil qoymaq ki baxın mən də gəzirəm.

gənclər artıq şiddətli aşağılıq kompleksi yaşıyır. artıq ciddi tədbirlər görülməlidi, yoxsa dünya get gedə savadsızlaşır, düşünməyən nəsillər yaranır və bu vəziyyət təkcə azərbaycanın yox bütün dünyanın qlobal istiləşmədən sonra ən mühim problemidi.