2. Ortaya qoymağı çox sevdiyim şeydir. Elə-hey fürsət güdürəm ki, bir mövzu açılsın, mən də ziyalı mövqeyimi ortaya qoyum və mümkünsə, sosial mesaj verim. Çünki mənim intellektim, mövqeyimin ziyalılığı, analiz və anlama qabiliyyətlərim o qədər üstündür ki, istəyirəm onu mütəmadi olaraq ortalığa qoyum, mütəmadi olaraq paylaşım, olmayanlar da yararlana bilsin. Həm də gördüyünüz kimi belə təmizqəlbli və əliaçığam. Arabir acıdil davransam da, onlar hamısı sarkazmdır. Əsasən ziyalı mövqeyimi həddindən artıq, normal insanların anlamayacağı səviyyədə ortaya qoyanda, üzümdə yarım, təvazökar bil təbəssümlə deyirəm ki, bu sarkazmdır, dostlar. Onda məsələ bağlanır və mən ziyalı mövqeyimi paylaşmağa davam edirəm.