56. Bu qızlarla bağlı çox maraqlı bir şey var ki, təmiz dərilərinə heyranlıqla baxandan sadəcə bir neçə dəqiqə sonra, makiyajın onlara necə möhtəşəm yaraşacağını fikirləşməyə başlayıram. Çünki makiyaj hər şeydən əvvəl dünyadakı icra edilməsi (əvvəlcə sabun doğrama/rəndələmə gəlir təbii ki) ən satisfying şeylərdən biri ola bilər. Kukla kimi mənə verələr, bəzəyəm o tanrıça balası kimi olan qızları. Bu gün birinə baxıb, ona hansı paltarın, hansı dodaq boyasının yaraşacağını fikirləşirdim və bu dəfə də bu səbəblə yenə istədim universitetin başını buraxam, başqa, sevdiyim bir işlə məşğul olam. Daş atsan, make-up artist-ə dəyir və heç sağlam şey deyil dəri üçün, onsuz da başqasına etməyi də çətin bacaram, ancaq şəkil çəkmək kimi əyləncəli bir şeydir. Bəlkə də sırf bu səbəbdən ehtiyacım olmayanda da edirəm. Dar vaxta düşməyindən isə zəhləm gedir, çünki onda lazımınca midilənə bilmirəm.
Yəni makiyaj etməyən qızlardan və də onların makiyaj etmə ehtimallarından ötrü ürəyim gedir, bu da belə bir qəribə məsələdir. Nəzərə də alsaq ki, kişilər gözəl qadınları əldə etmək istəyir, digər qadınlar da onların gözəlliklərini, mən heç birisini istəmirəm. Sadəcə daha da gözəlləşsinlər deyə istəyirəm xəfif makiyaj etsinlər, lakin etməsələr də başlarına dönərəm.