5. düzgün düşüncə forması olmadığını düşündüyüm ifadə. daha doğrusu "uşaqların incidilməklə tərbiyə edilməsi" kimi fikirləşilməsi lazım olduğunu düşündüyüm ifadə.
əgər tərbiyə etməkdə məqsəd valideynlərin başını cəmiyyət arasında alçaltmayacaq uşaq prototipi yaratmaqdırsa, onda tərbiyə uşaq üçün lazımsız birşeydir. çox zaman da belə tərbiyə üsulları uşaqların döyülməsi ilə nəticələnir. valideyn qısa zaman ərəfəsi üçün ən asan alternativi seçir, uşağı çırpırsan uşaq səndən it kimi qorxur və bir də sənin yanında dəcəllik eləmir və başın rahat olur. problem orasındadır ki, uşağın özünü normal aparmasının arxasında uşağın hər-hansı bir əxlaq qaydalarını mənimsəməsi dayanmır. uşaq valideyndənin cəzasından sadəcə qorxduğu üçün özünü normal aparır, sabah cəmiyyət içərisində valideyn olmayanda da əgər bir cəza sistemi yoxdursa istədiyini eliyəcək. ancaq təbii ki cəmiyyətin də cəza sistemi var. (bax: həbs)

ona görə də məsələn kriminal meyilli, düşüncəli insanların əksəriyyəti uşaqlıq tramvası keçirmiş və ya uşaq ikən qəyyumları tərəfindən tez-tez zorbalığa məruz qalmış adamlardır. nəticə olaraq, belə fikirləşmək olar ki, əslində uşağın sırf döyülərək tərbiyə edilməsi birbaşa məsuliyyətsiz valideynin maraqlarını güdür, uşağa verilən tərbiyə əslində tərbiyə olmur, və uşağın gələcək həyatına və davranış seçimlərinə da bu pis təsir göstərir.
buna görə də uşağın incidilərək tərbiyə edilməsi daha düzgün düşüncə tərzidir nəinki döyülərək. incitmək nə deməkdir? uşağın əlindən şokoladı alanda, uşaq istməsə də özünü öldürsə də vaxtı-vaxtında yatıranda, əlindən ipadı alanda, başqa uşağın oyuncağını alıb həmin uşağa qaytarmaq istməyəndə uşağın əlindən yeri gələndə fiziki güc ilə oyuncağı alanda uşağı incidirsən ancaq bu uşağın xeyrinə olur və uşaq həqiqi mənada tərbiyə edilir. valideyn uşağa mesaj göndərir ki, bax sabah gedib cəmiyyətdə oğurluq eləsən o oğurluqdan yaxanı asanlıqla qurtara bilməyəcəksən. ancaq uşağı döyərək tərbiyə etməklə, uşağın incidilərək tərbiyə edilməsi arasında fərq odur ki, döyəndə böyük ehtimal öz əsəblərivi uşağın üstünə atırsan və ya uşağı itaətkar və qorxaq bir xiyara döndərirsən. incidəndə isə bu uşağın xeyrinə olur.
niyə uşağı incidərək tərbiyə etmək daha yaxşı düşüncə tərzidir dedim? çünki yəqin ki siz də görmüsünüz, elə məsuliyyətsiz və xiyar valideynlər var ki, uşaq adicə ağlamağa başlayanda uşağı götürüb çırpırlar, ancaq uşaq götürüb səhərdən axşama kimi ipad işlətsə, vaxtı-vaxtında yatmasa, gedib camaatın uşağı ilə durduq yerə dava eləsə valideynin heç qozuna deyil.