42. o vaxt bakıya 4 istiqamətdən hücum edildi. biri hal-hazırki şamaxı yolu ilə. o yoldan gələn tanklar da ikiyə ayrıldı. bir qrup 20 yanvar dairəsinə (o vaxtki qızıl ordu meydanı) doğru, digər qrup tanklar isə binəqədi vasitəsilə azadlıq prospektinə (o vaxtki lenin prospekti) keçərək qarşılarına çıxan hər şeyi əzirdi. bir digər istiqamət bibiheybət-qurd qapısı marşrutu idi. 3-cü istiqamət isə sabunçu rayonu (lenin rayonu) - aeroport yolu marşrutu ilə hərəkət elədi. sonuncu istiqamət isə dənizdən idi.
xalq tərəfdən əksər insanlar 20 yanvar dairəsinə avtobuslarla gətirilirdi. hər məhəlləni gəzərək meqafonla çağırışlar var idi.
bunlar xırda detallardır. əsas xalqın cəsarəti, mərdliyidir. ertəsi günlərdə də sovet tankları şəhərdə şütüyürdü. buna baxmayaraq, insanlar küçədə idi. və ən əsası dəfn mərasimi də o tankların gözü qabağında oldu.

#267240 qeyd etdiyi kimi indikilər türklərə yaltaqlanmaq üçün "bizimkilər qorxaqdır" deməkdən çəkinmir. əslində isə ən böyük cəsarəti elə azərbaycan xalqı göstərmişdi. yeri gəldiyində bu cəsarəti yenə göstərəcək.