2. dünyanın ən məşhur media korporesiyası bbc (british broadcasting corporation)'nin azərbaycan dilində olan yayım orqanıdır. həyatına 30 noyabr 1994-cü ildə "bbc azeri" adı altında başlamışdır. vaxtıkən radioda 103.3 tezliyində dalğaları mövcud olmuş, lakin radio dalğaları barədə 2009-cu il 1 yanvar tarixində o dönəmin mövcud hakimiyyəti tərəfindən xarici fm dalğalarının siqnallarının kəsilməsi nəticəsində azərbaycanda tezliyi dayandırılmışdı. lakin tezlik ölkə xaricində öz fəaliyyətini davam etdirmişdir. 25 mart 2011-ci ildə böyük britaniya höküməti dövlət xərclərini azaltmaq niyyəti ilə bbc-yə ayrılan büdcənin bir hissəsini ixtisar etmiş, nəticədə bbc rəhbərliyi bu radio yayımının dayandırılması ilə bağlı qərar vermişdi. müasir dövrümüzdə "bbc azərbaycanca" adı ilə internet saytı ilə fəaliyyət göstərir, əsasən muxalifətçilərlə tez-tez canlı yayımlar və müsahibələr həyata keçirirlər.