1. #284119 nömrəli entry'dən ilhamlanaraq fikir bildirmək istədiyim bir mövzu. 'niyə evlənmirsən?', 'nə vaxt tərpənirsən?' tipli sualların ardınca gətirilən əsas arqumentdir. necə yəni? insan ona görə evlənib, uşaq böyüdür ki, yaşlananda ona baxsın? birincisi, bu nə qədər humanist bir fikirdir? ikincisi, buna bel bağlayıb yaşamaq olarmı? bəlkə heç uşağın olmayacaq, ya da səndən tez öləcək?
mənim bildiyim qədərilə, uşaq böyütmək öz nəslini davam etdirmək üçün edilir. hərçənd ki, bu da eqoizmin başqa bir formasıdır, amma hər halda daha təbiidir, yəni insan bunu instinktiv olaraq edir. sən öz (sözün əsl mənasında özünün) gələcəyini düşünərək bunu edirsənsə, bu düşüncə tərzində bir problem var.