bugün wiki təsadüfi son
sözaltı sözlük
məsləhət postlar mesaj Profil

...

social loafing

əjdahalar   googlla
ringelmann effekti

    #sözaltı wiki təsadüfi wiki gətir

    yazarın wiki entryləri: serotonin - niccolo machiavelli - üslubiyyat
    1. Fərdlərin tək işlədiklərində müəyyən tapşırığın həllinə daha çox, qrupla işlədiklərində isə daha az məsuliyyətlə yanaşması və səy göstərməsi ilə müşahidə olunan sosial psixoloji fenomen. Qısaca qrup üzvü qrupun digər fərdlərinə güvənərək özünü daha az məsul hiss edir.

    Social loafing ile bağlı eksperimentlərdən birini Max Ringelman aparmışdır. Eksperiment klassik ip dartma oyunudur. Əvvəlcə hər bir iştirakçıdan təklikdə ip dartması istənilir. Daha sonra oyun tək-tək yox qrup şəklində oynanılır və iştirakçıların qrup daxilində ipi dartmağa daha az enerji sərf etmələri müşahidə edilir.

    Social loafing'in baş verməsinin əsas səbəbi məsuliyyətin bölünməsi və nəticədə qrup üzvlərinin hər birinin digərlərinin məhsuldarlığına etibar etməsidir. Bundan əlavə, qrupun tapşırığı yerinə yetirə bilməməsi halında günahın bir nəfərə yox bütün qrupa aid edilməsi də (adətən) qrup üzvlərinin məsuliyyət hissini azaldır.

    Social loafing effektini bir sıra faktorların köməyi ilə minimallaşdırmaq mümkündür. Qrup üzvlərinin birgə işləməyinə baxmayaraq ayrı-ayrılıqda qiymətlədirilməsi bu effektin azalmasına gətirib çıxarar. Misal olaraq, müəllim bir qrup tələbədən təqdimat hazırlamalarını və çıxış etmələrini istəyir. Aydın məsələdir ki, qrup üzvlərinin çıxışlarının ayrı-ayrılıqda qiymətləndirilməsi halında hər biri daha məsuliyyətli işləyəcəkdir. Əlavə olaraq, tapşırıq nə qədər maraqlı və cəzbedici olarsa social loafing də daha az müşahidə olunar. Eyni zamanda bir-birilərini yaxşı tanıyan fərdlərdən təşkil olunmuş qruplarda social loafing daha az izlənilir. Buna səbəb yaxşı tanıdığımız insanların bizim haqqındakı təsəvvürlərinin, düşüncələrinin bizim üçün əhəmiyyət kəsb etməsi və onların gözündə məsuliyyətsiz biri kimi görünmək istəməməyimizdir. Tanımadığımız insanlardan təşkil olunmuş qrupda isə, tam tərsinə, anonim hiss etdiyimiz üçün digərlərinin düşüncələri çox da əhəmiyyət kəsb etmir və social loafing'in baş verməsi ehtimalı daha çoxdur.

4 əjdaha

sistem robotu
#287504


21.06.2019 - 14:33
+3860 oxunma
wikiləyən: dasein



hamısını göstər

üzv ol

...