1. insan və şempanze cütləşməsindən əmələ gələn canlıya verilən ad. hələ ki belə bir canlıya rast gəlinməyib.

1952-2012 ci illər arasında yaşamış oliver adlı bir meymunun insan mələzi olması haqqında şübhələr var olub. oliver demək olar ki hər zaman iki ayaq üzərində yeriyir, üz cəhətdən bir qədər insana bənzəyirdi və dişi şempanzelərə maraq göstərmirdi. lakin öz xanım baxıcısı (janet berger. janet berger və həyat yoldaşı frank berger oliveri 2 yaşından bəri alıb saxlayırdılar ) ilə cütləşməyə cəhd etdiyi deyilir. bu hadisədən sonra onlar oliveri başqa bir şəxsə satdılar . bundan sonra oliverin dəfələrlə sahibləri dəyişdi.

1996cı ildə çikaqo universitetində oliverin xromosomlarının incələndiyi və 47 xromosomlu olduğu iddiası ortaya çıxdı. daha sonra isə daha geniş tədiqatlardan sonra "american journal of physical anthropology"'də yayınlanan məqalədə onun 48 xromosomlu adi şempanze olduğu iddia edildi. oliverin 48xromosomlu normal şempanze olduğu açıqlansa da, onun hələ də insan mələzi olduğuna inananlar var.

ümumiyyətlə tarixdə insan və şempanze mələzi yaratmağa bir neçə dəfə cəhdlər edilib. 1920ci illərdə ilya ivanov dişi şempanzeləri insan spermasi ilə, insan qadını da erkək şempanze sperması ilə mayalandırmağa çalışmış lakin
cəhdlər uğursuzluqla nəticələnmişdi. 1960 cı illərdə isə çində buna cəhd edilmişdi. iddiaya görə dişi şempanze hamilə qalmış lakin sonra ölmüşdü.


humanzee'lər 47 xromosomlu olacağı üçün eyni ilə at və eşşək mələzi olan qatır kimi qısır bir canlı olarlar. lakin onu da qeyd edim ki qatırların doğum hallarına da dəfələrlə rast gəlinib.