11. Oldu, bitdi, vəsəllam. Yeni səhifə aç. Əgər münasibəti bitirən tərəf sən idinsə, deməli yetəri qədər səbəbin olub, daha oturub uşaq kimi zırıldama. Qərarı vermisən, irəli bax. Yox o bitiribsə, səbəbi səni qane etmirsə və həmin səbəbi bəhanə kimi görürsənsə, deməli elə bitsə yaxşıdı. Səni tərk etmək istəyən birini niyə yanında saxlayırsan ki? Nəyinə gərək idi? Sadəcə seks üçün? F(riendship) plyus münasibət qur o zaman, ancaq seks ehtiyacınızı ödəyin, fuckbuddy rolunda hər ikiniz.Onda alınmır, digərinə keç. Onda da alınmır, başqa birini tap, alternativlərin olsun həmişə, tək münasibətdə yox, istənilən mövzuda. O zaman kimsə sənin təklifini geri çevirəndə, yəni "atval" verəndə, xəfif ötəcəksən üstündən, ciddiyə almayacaqsan, qarşı tərəf də sözün əsl mənasında "gijdıllax" (sorry, durumu anladacaq bundan münasib söz tapmadım an etibarilə) olacaq. Adi bir misal, tutaq ki, qız sənə yox deməklə qalmır və "sən daha yaxşılarına layiqsən" təsəllisi verirsə, tərs oyna, sən də təsdiq elə. denən bilirəm, yaxşılarına layiqəm, amma bir səninlə yoxlamaq istədim, görüm nolur. Özünü başqalarından üstün tutmadıqca kimsə sənə dəyər verən deyil. Yoxsa, oturub Ağlamaqla, depressiyalarlar nəyi qaytara biləcəksən ki? Get bir az da qoy üstünə, butulkanın dibində tap özünü. Sonra? Bəlkə də indi həmin qız və ya oğlan həyatın dadını nəyi var çıxarır, səni də unudub. Ona kimi yaşamırdın bəyəm? istənilən cəmiyyətdə, qrupda sosial statusu yüksək olan biri həmişə qəbul olunub. Sən cəmiyyətdəki sosial statusunu artırdıqca, əhatən genişlənəcək, yeni dostlar, yeni tanışlar əldə edəcəksən. istər-istəməz öz dünyagörüşünə, maddi statusuna uyğun nəinki birini, hətta bir neçəsini tapacaqsan. O zaman bir də geriyə dönüb bugünki durumuna baxıb, gülərsən. Ala, gör mənə kim "atval" vermişdi, nə yaxşı ki, alınmadı. Sən daha yaxşılarına layiqsən deyən köhnə sevgilinə təşəkkür edərsən ki, haqlı imişsən, mən daha yaxşılarına layiqəm. Unutma, əgər oğlan olaraq qadından 3 kriteriyada üstün deyilsənsə, maddi durum , xarici görkəm (boy, yaraşıq), sosial status (populyarlıq, şan-şöhrət), friendzone-a xoş gəlmisən, dostum. Həmişə, "Natiq (ad şərtidir), bilirsən, sən yaxşı uşaqsane, amma mən səni dost kimi görürəm", "mən sənə o gözlə baxmıram axı" cümlələri qulağında cingildəyəcək. Baxacaqsan ki,qrupda, iş yerində, harda olur olsun, sən də qızlarla deyib gülürsən, əylənirsən, amma qızları götürən Mameddir. Niyəsini 3 kriteriyada dedim. Güldürmək, xoş söz deməklə olsaydı, klonlar yalnız qalmazdı. Ona görə, "skip" at istənilən bitmiş münasibəti, özünü şəkilləndir. Həyatının mərkəzinə digər insanları qoymaqla, özün həmişə kənarda qalacaqsan. Biraz eqoist olmaqda, amma biraz fayda var.