4. Bugün Keşikçidağda bir qrup gürcüstan vətəndaşı sərhədi pozaraq, əsgərlərimizin əlindən silah və daraqları alıblar və hələ yetməzmiş kimi videoya da çəkiblər. Biabırçılıqdan başqa bir şey deyil. Əvvəla silah əsgərin namusu sayılır. Heç bir halda, əsgər xidmət müddətində onun tabeçiliyində olan silah-sursatı başqa şəxslərə verə bilməz! istisnasız. Doğmaların, əzizlərin, hətta ali baş komandan gəlsə belə ki, ay bala silahı ver baxım, verməməlisən. Bəlkə, silahı aldı, səni vurdu? Və ya zastavaya hücum çəkdi? Nə bilirsən. Sərhəd xidmətinin təşkili zamanı baş xidmət( naryad) sərhəd zonasında baş verən hər hansı hadisəni mütəmadi olaraq zastavaya rabitə vasitəsilə bildirir, xidməti ərazidə müşahidə etdiyi dəyişiklikləri müşahidə dəftərinə qeyd edir. Bu hadisədə isə sərhəd pozucuları ( red. gürcülər) qadağan olunmuş əraziyə yaxınlaşıblar. Sərhədçi ilk öncə zastavaya bildirməliydi, nə əmr olunursa, onu yerinə yetirməli, lazımdısa döyüşə komandası ilə zastavanı döyüşə qaldırmalıydı. Rabitə əlaqəsi baş tutmadığı halda, sərhəd pozucularına havaya xəbərdarlıq atəşi açmalı, geri çəkilməyi əmr etməliydi. Hər sərhədçinin avtomatında birinci güllə ağ rəngli xəbərdarlıq patronu olur. Əmrə tabe olmayan sərhəd pozucusunu bu dəfə sərhədçi tam yaralamağa haqqı çatır. Bütün bunlar baş verdiyi halda, kiçik xidmət ( naryad) ara məsafəsi saxlamaqla, həm baş xidmətə kömək silahlı yardım etməli, eyni zamanda digər sərhəd pozucularını nəzarətdə saxlamalıdır. Heç kim bilə bilməz qarşı tərəfdəkilər bəlkə bir qrup mütəşəkkil cinayətkar və ya terrorist dəstədir. Gör məsələ nə həddə çatıb ki, mülki geyimli bir sıra insan silahlı hərbiçiləri tərki silah edirlər. Hələ utanmaz-utanmaz sosial şəbəkələrdə " siyasi bilmişlər"irimiz bu məsələyə soft yanaşmağımızı, Gürcüstanla olan münasibətlərimizə zərər dəyməməsini istəyirlər. Nə gözəl. Kimsə, əksini istəmir və iddia eləmir. Amma və lakin. Sərhədlərimiz toxunulmazdır. Həmin şəxslər dərhal və yerindəcə cəzalandırılmalı idi və həmin problemli sərhəd ərazisi bir müddətlik tam nəzarətə götürülməkl hər iki tərəfin ziyarətçilərinə qapadılmalı idi. Sonra isə, Gürcüstana rəsmi səfərlə iki dövlət arasında olan mədəni-irsi, siyasi, turistlik əlaqələrimizin dərinliyindən danışılmalı ( bunlar public briefing üçün formal xarakterli), hər iki tərəfin bisnez adamlarına qonşu ölkəyə yatırım etməyə imkanlar yaradılmasından dəm vurulmalıdı. işi daha irəli aparıb, payızda gürcüstan-azərbaycan mədəniyyət gecələri təşkil olunmalıdır. Madam ki, nəsimi ilidir, gürcüstanda nəsimini təblig elə heyəkl qoydur. Bağlı qapılar arxasında isə, əsl məsələ-sərhəd problemi qısa zamanda həlli üçün yumşaq təzyiqlər edilə bilər. Onsuz da gürcüstan bu dəq ciddi siyasi problemlər yaşayır, bizim də ona yük olmağımızı istəməzlər. Deyərik ki, bilirik, sərhəddə problem oldu, amma bizim də öz qanunlarımız var və əsgərlərimiz orda tam qanuna uyğun hərəkət edərək sərhəd pozucularını cəzalandırıblar. Artıq modern dünya realpolitik-ə qayıdıb, hər şey güc üzərindən həyata keçir, humanist diplomatiya ilə heçnə əldə edə bilmərik. Digər entry-də vurğuladığım kimi regionda söz sahibi olmaq istəyiriksə, güclü olmalıyıq. " Ay qurban olum"la iş yürüməz. Bütün bunlar edilməli işlər idi. Gələk indi medalyonun ikinci tərəfinə, yəni hökümətiniz nə edəcək? Əlbəttə ki, heçnə. Gürcüstana xoş görsənmək üçün və bu xoşagəlməz hadisənin tez yaddan çıxması üçün rəsmi şəkildə bir iki dənə gürcüstanın xeyrinə addım ( gürcüstanda hansısa mədəniyyət evinin bərpasına dövlət neft fondundan, prezidentin ehtiyat fondundan uçuq qiymətlərlə yardım) və havayı verilən qazın ömrünü biraz da uzatmaq. Vəsəllam. iki uşaq dalaşır, zəif və haqlı olanın atası söhbətə gəlir:
- Salam, qonşu, günah mənim oğlumda olub.
- Hə, günah sənin oğlunda idi, gərək öz topunu verərdi, özü də qalardı kənarda, bizim uşaqlar rahat oynayardı.
- Valla, qonşu düz deyirsən, bizim uşaq futbol oynaya bilmir ki. Gərək, topu da versin sizin uşaqlara.
- Bax bu lap, əla oldu. indiyə kimi bunu niyə eləmirdiniz, bilmirəm, valla.
- Əəə, biz qardaşuğee. Axşam oturaq bir çay içək, şot da məndən. Həm, sizin sökülən çəpəri də mən düzəltdirmək istəyirəm, onu da danışarıq.
- Baa, bu elə də bəs, lap ürəyimcə oldu, varam da belə qonşuya.
