(youtube: 
)
)bu nə həngamədir?
dalğa-dalğa insan axını gəlir üstümə,
gözlərimin içinə baxır təhlükəsizlik kameraları,
maddi azadlıq söz verir soyuq ofis divarları,
maddi rifah vəd edir plazayla üzbə-üz lotereya satan uşaq.
bu axşam xoşbəxt gələcək oynanacaq televiziyada,
bu axşam "binqo" çıxacaq əlləri qabar bir ataya.
qulaqlığımda hələ də eyni musiqi var.
eleni çoxdan "bu nə həngamədir" deyib,
mən bu gün çoxdan eşitmişəm bunu.
yenə gördüm səni,
əllərim yuxarıda idi,
səninsə əllərin çoxdan yox olmuşdu
deyəsən birdəfəlik...
amma eleninin əlləri hələ də "bu nə həngamədir?" deyir.
əllərin yox olmuşdu, inanmaq istəmirdim.
əllərinə çata bilməmişdim, tuta bilməmişdim.
o qədər gecikmişdim ki, evə getmək vaxtı idi lotereya satan uşağın,
ilk daşı çıxarmışdı torbadan bığlı aparıcı.
o qədər 8 saatlığam ki...
o qədər təsliməm ki...
qaldırmışam əllərimi,
qoymuşam iş masasına.