1. 9 iyun 1917-ci ildə misirdə doğulmuş və 1 oktyabr 2012-ci ildə vəfat etmiş yəhudi əsilli britaniyalı marksist tarixçi. Dünyanın ən yaxşı tarixçilərindən biri hesab olunur. Əsas araşdırma mövzuları sənayeləşmə, kapitalizm, sosializm və milliyətçiliyin dirçəlişləri olub. Əsasən the age of revolution: europe 1789-1848, the age of capital: 1848-1875 və the age of empire: 1875-1914 trilogiyası və əlavə olaraq 20-ci əsrə həsr olunmuş the age of extremes kimi əsərləri ilə tanınır.

1936-cı ildə britaniya kompartiyasına qoşulur, 1956-da sovet ordusu macar üsyanını yatıranda həmkarları partiyanı tərk etdiyi halda o, partiyada qalır və tarixçilərin macarıstan işğalını qınayan məktubunu imzalayır. 1968-ci ildə əzilən praqa baharının kəskin tərəfdarlarından biri kimi britaniya kompartiyasının avrokommunizm fraksiyasını dəstəkləyir. Ssri dağılsa da ideyalarından imtina etmədiyi üçün ölümündən sonra ömürlük marksist kimi yadda qalır.