198. Bu gün hamı sentyabr,
Kimsə üçü,kimsə beşi.
Bu gün hər yer sentyabr,
Hamıda payız yerişi.
Bu gün hAmı sentyabr,
Dumanlı, az yağıntılı.
Bir az tutqun,bir az dalğın
Bir az qərib, sıxıntılı.
Bu gün hər yer sentyabr
Sən olmayan şəhər belə.
Bu şəhərdən sən gedəndən,
Axşam belə, səhər belə.
Bu gün hamı sentyabr,
Hamı öz içində qonaq.
Mənə də bir qonaq gəlib,
Lap Misalı səndən uzaq.
Bu gün hər yer sentyabr,
Gecə iki-dörd arası.
Duyğulanıb,duyğulanıb,
Səni düşünmək havası.
Desəm yenə də güləcək,
Otur sənə şeir yazım.
Bir azdan sual gələcək,
Nə vaxt gələcəksən qızım?