37. #293051 yuxarıdakı entrydə kimin güclü ateist kimin zəif ateist olduğunu sadalamadım. Ateizm deyiləndə ilk ağla gələn, şəxsən bu barədə müzakirələrdə iştirak edən, ateizmə ən sıx bağlı olan (bu çox əhəmiyyətli bir məqamdır. Təyyarə qəzaya düşən vaxtda dua edən ateist ardıcıllıqdan uzaq, öz baxışları üzərində səndələyən, (opportunist sözünü hər nə qədər sinfi mənada işlətsəm də) opportunist ateistdir, hansı ki, dini hələ də beynin gizli bir yerində qoruyub saxlayır) insanlardan həmin anda ağlıma gələnləri nəzərdə tutdum. Ərindiyimə görə entrymi çox xırdalamadım, amma artıq özümü məcbur hiss etdiyimə görə deməliyəm; ortalama ateist deyəndə, kobud şəkildə desəm, müsəlman mamedin antaqonisti olan ateist mamedi nəzərdə tuturam. Hər nə qədər ikisi də mamed olsa da, hər halda təktiplilik deyə bir şey mövcud deyil, əgər ikisinin dünya haqda baxışları belə fərqlidirsə, intellekt cəhətdən də fərqli ola bilərlər. incənə meydan tv bir video çarx yayımladı, videodakı kişi əgər allaha inam olarsa atom bombasından belə sağ çıxılacağını deyir; bu bizim müsəlman mamedimizdir. - Ateist mamed nə qədər savadsız olsa da, epidemiyaya və nüvə hücumuna qarşı dua etməyi tövsiyə etməz - Təəssüf ki, sayı az deyil, ölkə onun kimiləri ilə doludur. Ölkəmiz dünyanın ən az dinə bağlı (ateist, deist və s. yox, dinə az bağlı) ölkələrindən biri olduğu halda mövhumatçılıq yüksək səviyyədədir. Çünki mövhumatçı, xurafatçı olmaq üçün dinə ehtiyac yoxdur, din olmadan xurafat yaratmaq olar. Bizim düşüncə tərzimiz də məhz belə bir, dini olmayan lakin dindən də bəzi şeylər götürən və bir yandan da qeyri-dini inancları birləşdirən bir sintezdən yaranan qatışığa sahibdir.

P.S. Mübahisə başlatmaq kimi bir hədəfim yoxdur. Sadəcə səhv başa düşülmə kimi bir vəziyyətin yarandığını düşünürəm.