9. "ikinci respublikanın sonu" kitabını yazıb, internet çöllərinə atmış ziyalı. Kitab ruscadır, amma əminəm ki, vaxt gələndə (gec olacaq) o kitab böyük tirajla Azərbaycan dilində də çap olunacaq və tarix dərsliklərinin yazılmasına tövhə verəcək. 2 gündür karantin deyə bir şey hiss eləmirəm, ancaq Zərdüşt bəyin yazdıqlarını beynimdə fırladaraq, dəhşətə gəlirəm - bizim xəmirimiz hələ sovet dağılana yaxın dövrdə səhv yoğrulub. Xalq hərəkatı, xalq cəbhəsi, Əbülfəz Əliyev fenomeni məhz 2 gün aclıqla oxuduğum adı çəkilən kitabdan sonra təsəvvürümdə darmadağın oldu. Oxuyun və ağlayın.