2. cavan-yaşlı söhbətini virusun mutasiya keçirə bilmə qabiliyyəti ilə əlaqələndirirəm. biologiya ilə aram yoxdur, amma bir irqdə yaşlıların, digərində isə cavanların çoxluq təşkil etməsi biraz müəmmalı məsələdir. avropa ölkələrinə gəldikdə isə onu demək olar ki, avropa ittifaqının aparıcı ölkələri (hətta almaniya belə) səhiyyə sisteminə görə çox problemlərlə üzləşdilər. xəstə/ölü sayı həndəsi silsilə ilə artıdığından, ya da həqiqətən səhiyyə zəif olduğundan ola bilər. amma səbəbi nə olursa olsun, pandemiya bitdikdən sonra avropa ölkələri başda olmaqla, bir çox ölkələrdə hökümətlərin istefaya gedəcəyini düşünürəm. bununla bağlı son bir-iki həftədir çoxları yazır-pozur. bəs burada hansı ölkələr və ya hökümətlər qalib gələ bilər? böyük ehtimalla avtoritar və ya avtoritarlığa keçid etmək üçün can atan (məsələn, macarıstan) olacaqdır. heç bir avtoritar liderin xəstə və ölü rəqəmlərinə inanmadığım kimi, etdikləri manipulyasiya ilə də əhalini qorxu içərisində saxlayaraq hakimiyyətlərini qoruya bildilər. ümidvaram ki, tezliklə bu karantina, pandemiya söhbətləri bitər və dünyanın hansı istiqamətdə irəlilədiyini görərik.