61. çox gülməli söhbətlərin edildiyi başlıq.

sadəcə bu başlıqda yox bir çox yerlərdə eyni şeyi oxuyuram: filan ölkənin əhalisi heç də dəhşət zəkalı deyil, avropalılar şişirdildiyi qədər deyil, amerikalılar hamısı obez, təmbəldir və s. və ilaxır

bu insanlar başa düşmür ki onsuz da ağlı başında heç kəs bu saydıqları ölkələrdə hər kəsin genius, çalışqan, super insan olduğunu iddia eləmir. məsələn bir tədqiqat oxumuşdum ki amerikalı kişilərin əksəri öz bədən ağırlıqlarını belə qaldıra bilmirlər. (bu idman, sağlamlıq tərəfi)

dini səfsətələrin, psevdoelmin, şarlatanlığın da ən çox yayıldığı ölkələrdən biridir amerika, illərdir skeptik olaraq müxtəlif iddiaları gözdən keçirirəm və amerika qədər insanların axmaq şeylərə inandığı ayrı bir ölkə görməmişəm. ən qaragüruh müsəlmandan belə daha axmaq şeylərə inanan, varlığını iddia edən milyonlarla amerikalı var.

dediyim kimi psevdoelmin də ən çox yayıldığı ölkələrdən biridir, üstəlik söz olaraq yox ciddi-ciddi bu iddiaları yaydıqları, tədris etdikləri "universitetləri" belə var, təkamül nəzəriyyəsinə qarşı cəbhə alan institute for creation research, discovery institute kimi qurumlar var, hansılar ki milyonlarla dollar maliyyə xərcləyirlər bütün bu səfsətələri araşdırmaq, yaymaq üçün.

bir də qeyd edirəm. illərdir axmaq iddiaları skeptik gözü ilə araşdırıram və ən geridə qalmış üçüncü dünya ölkələrində belə amerika qədər cahilliyin yayıldığını görə bilməzsiz. (bu dünyagörüşü, təhsil və s. tərəfi)

bəs bu amerika niyə hər sahədə dünyanın ən güclü ölkəsidir? okay keçək məsələyə. amerika əhalisinin intellektual səviyyəsi nə qədər aşağı olursa olsun, lap istəyir şaxtababaya da inansınlar, (!) amerika birləşmiş ştatları hal-hazırda bütün sahələrdə dünyanın ən güclü, ən irəli ölkəsidir və qeyd şərtsiz ixtisasınız nə olursa olsun karyera qurmaq istəsəz və imkanınız da varsa dünyada amerika birləşmiş ştatlarından başqa bütün seçimlər böyük hərflərlə boş şeydir.

dünya üzərində oxuya biləcəyiniz ən yaxşı universitetlər amerikadadır. digər avropa ölkələrinə getmə səbəbimiz amerika universitetlərində oxuyacaq background və ya maddi vəsaitə sahib olmadığımız üçündür. yoxsa heç kəs princeton qala qala o ielts plyus attestat ilə az qala yoldan ötəni (bu yoldan ötənlərin siyahısına mən özüm də daxiləm) qəbul edən avropa universitetlərinə dönüb baxmaz belə. demirəm ha avropada amerikadan daha aşağı təhsil alırsız. qəti. rusiyada belə amerikanın verdiyi riyaziyyat təhsilindən daha yaxşı təhsil verən universitetlər var məsələn amma universitet seçimi edərkən məsələnin sadəcə təhsil keyfiyyəti olduğunu zənn edirsizsə çox səhv gəlmisiz, rankinglər belə x universitetində x kursunun necə keçildiyinə əsasən yox o x universitetində aparılan tədqiqat və yayımlanan məqalələrin sayına və bu kimi faktorlara əsasən sıralanır. çoxları elə düşünür ki harvard ona görə dünya lideridir və rankinglərdə birincidir ki orda calculusu odtü dən fərqli keçirlər, elə deyil amma. harvardın birinci olma səbəbi orda, qəbul olduğunuz fakultələrdə aparılan tədqiqatın keyfiyyətidir.

bir ara türkiyədən, ege universitetinin riyaziyyat fakultəsindən bir umbay bir neçə il ərzində yüzlərlə plagiat məqalə yayımlayaraq universitetin riyaziyyat fakultəsini dünya sıralamasında onluğa sala bilmişdi. uzun sözün qısası keyfiyyət universitetdə aparılan tədqiqatla ölçülür. next

o öz ağırlığını belə qaldıra bilməyən insanların çoxluq təşkil etdiyi ölkə olan amerika hərbi sahədə də dünya lideridir, navy seal ilə bağlı bir az araşdırma aparsaz görərsiz ki dünyadakı ən fiziki və zehni güclü hərbiçilər navy seal tərkibindədir və sözün əsl mənasında götünüzdən qan alarlar. hərbi texnologiya filan kimi mövzulara ümumiyyətlə girmirəm. 50ci illərdə belə amerikanın dahi beyinləri bir yerə yığıb tədqiqatlar apardığı rand corporation var idi.

entry yenə əsas suala qayıdır. yaxşı bu amerika bu qədər tupoy vətəndaşı ola-ola necə hər sahədə dünya lideridir və gəlin etiraf edək ki həm də arzularımızı süsleyen ölkədir? ziddiyət varmış kimi görünür. qətiyyən. amerikada cahillik nə qədər çox olsa da, lap ölkənin 90%ni belə əhatə edəsi olsa amerikanın əlində 10% elit təbəqə var, bu təbəqəni ikinci dünya müharibəsində avropadan idxal edib, bu gün amerikanın elmdə lider olma səbəbi hitler almaniyasının avropanın bütün intellektuallarını amerikaya qaçmağa məcbur etməsidir. həmin intellektuallar ilə zənginləşən universitetlər sonradan selective yəni seçici davranaraq ölkənin ən parlaq beyinlərini öz tərkiblərinə qəbul etdilər, bayaq dediyim kimi navy seal harvarddan belə daha seçicidir, bu sadəcə universitetlər üçün yox bütün sahələr üçün keçərlidir. inanmırsızsa açın admission ratelərə baxın.

ölkənin və hətta dünyanın ən qaymaq 10%lik təbəqəsini öz əlində saxlaya bilirsənsə, qalan 90% nə qədər cahil olur olsun, onsuz da bir əhəmiyyət daşımır. ortalama insanın anormal şeylərə inanması, obez olması, fiziki gücünün olmaması, x, y o insanın özündən başqa kimə nə ziyan edir ki? işçi qüvvəsidir də. hansısa ev ustası jack təkamül nəzəriyyəsinə inanmırsa, işdən gəlib discovery institute yazılarını oxuyursa bundan amerika nə uduzur ki? amerikanın onsuz da əlində təkamül nəzəriyyəsini ən yaxşı araşdıra biləcək institut və elm adamları var, jack random bir insandır.

azərbaycan amerika ola bilmir ona görə yox ki atalarımız, analarımız tanrıya inanırlar ya da ay nə bilim təkamülə inanmırlar, ay nə bilim dünyadan xəbərləri yoxdur, göz muncuğuna inanırlar və s. azərbaycan amerika ola bilmir çünki ölkənin qaymaq təbəqəsi olmalı olanlar, ölkənin elit kəsimi deyə biləcəyimiz insanlar (elm adamları, sənətçilər, x,y) yaltaqlıqla, plagiarizmlə, rüşvətxorluqla və bu kimi biyabırçı şeylərlə məşğuldurlar. a kişi keçmiş təhsil naziri, ölkənin ən böyük institutlarından birinin əsas elmi işçisi predatory jurnallarda pul qarşılığında məqalə yayımladıb özünü elm adamı sayır, ölkənin ən böyük universitetinin keçmiş rektoru alverçilik edir və sairə. bizim problemimiz kəndli məmməd kişinin, şəhərli televizor ustası rasim kişinin, qohum qardaşımızın tupoyluğu deyil axı, ölkənin elit kəsiminin olmamasıdır problem.

mövzuya düz baxmırsız. ona görə də amerikaya baxıb gördüyünüz random bir amerikalının da bizim azərbaycanlıların tayı olduğunu görəndə təəccüblənirsiz ki bəs bu amerika niyə güclüdür amma biz yox. məsələ budur.

bir də ki heç qatil amerika və s. ədəbiyyatı etməyək. amerikanın bombaladığı insanlara belə imkan verilsə öz ölkələrini satıb amerika vətəndaşlığına keçərlər, çünki insanoğlu belədir, öz çıxarlarını güdür, dövlətlər də insanlardan fərqsizdir, öz çıxarlarını güdürlər, so keep calm.