Baş rolu ifa edən humphrey bogart filmdə öz improvizasiyaları ilə yadda qalmış, hətta sözügedən improvizasiyalar ilə ən yaxşı replika siyahılarında yüksək pillələri tutmağı bacarmışdır.
Şübhəsiz, filmin ən bəyənilən obrazlarından biri pianist sam obrazıdır. Bu obrazla bağlı maraqlı məqam odur ki, filmi çəkənlər ilk başda pianist obrazı üçün qadın aktrisalar nəzərdə tutmuşdular. lakin sonradan ssenaridə dəyişiklik edilmiş və dolley winson'un ifası ilə sam rəis filmdə boy göstərmişdir. Niyəsini bilmirəm, lakin afroamerikalıları pianist rolunda izləməyi sevirəm. smokin geymiş hər-hansı afroamerikalıda pianist havası var elə bil. green book, the legend of 1900 filmlərində də eyni tipli pianist obrazlarla qarşılaşıb rollarına heyran olmuşdum. Yeri gəlmişkən, filmin ən yadda qalan səhnələrindən biri də sam rəisin "as time goes by" mahnısını ifa etməsi səhnəsidir.
(youtube: 
)
)ingrid bergman də ilsa rolunda yaxşı performans sərgiləyib. adıçəkilən aktrisa humphrey bogart ilə baş rolu bölüşəcəyini bildikdən sonra bogart'a ayaq uydurmaq üçün onun rol aldığı the maltese falcon filmini dəfələrlə izləmişdir. Həmçinin ingrid bergman bacımızın olduğu səhnələrə baxanda onu , əsasən, sağ tərəfdə görürük. Çünki, bergman üzünün sol tərəfininin daha gözəl göründüyünü hesab etdiyinə görə, filmi çəkənlərdən onu sol profildən daha çox çəkmələrini xahiş etmişdir.