2. Bu insanların belə adlandırılmasının səbəbi fahişəlik dediyiniz şeyi adiləşdirmək, sanki bir peşəymişcəsinə cəmiyyətə qəbul etdirmək deyildir. Sadəcə son bir ya iki ildir cəmiyyətin maarifləndirilməsi, insan alveri hallarının azalması məqsədi ilə "insan alveri" adlanan dərsin yalnız mühazirə formasında tədrisi başlanmışdır. Və burada insan alverinin müxtəlif növlərinin başlıca olaraq da "fahişəliyin" aradan qaldırılması məsələləri öz əksini tapır. Sizə əminliklə deyirəm ki, bu mövzu müxtəlif yaşlarda (universitet tələbələri), oğlan və qızların iştirakı ilə tam şəkildə əhatə edilir. Fahişəlik haqqında da ətraflı danışılır. Lakin, bunun belə bir mühitdə (tədris müəssisəsində) daha etik səslənməsi üçün "fahişəlik" adlandırılması doğru deyildir ən azından etik deyildir. Və bu səbəbdən "seks işçisi" adlandırılırlar. Ümumiyyətlə seks işçisi dedikdə sadəcə fahişəni deyil, onu bu işə cəlb edən şəxs və ya şəxsləri, insan alverinin bu mərhələsində iştirakçı olan hər bir şəxsi nəzərdə tuturlar. Bu o demək deyil ki, tələbələr öz arasında fahişəyə "seks işçisi" deyirlər ya deməlidilər. Xeyr. Sadəcə o mühitdə bu tələb olunur. Həmçinin bu mövzu haqqında maarifləndirmə məqsədli aparılan universitetlərdən kənar seminarlarda da bu cür səsləndirmək daha etikdir. Yəni yenə deyirəm seks işçisi deyərkən fahişəliyi bir "iş" "peşə" kimi təlqin etmə məqsədi güdülmür.

Ola bilər "insan alveri" dərsini ilk dəfə eşidirsiniz. Çünki ölkəmizdə tədrisi hələ çox yenidir. Ancaq dünyada artıq geniş yayılmışdır və inanılmaz statistik göstəricilər ortaya qoyur. Belə ki, insan alveri dünyada ən çox gəlir gətirən üçüncü sahədir. (Silah və narkotikdən sonra)
Bu da həyəcan təbilidir. Çünki hər insan istəyərək insan alverinin içərisinə girmir. Və insan alveri yalnız fahişəlikdən ibarət deyildir. Nəysə bu artıq başqa entrynin mövzusudur.


Son olaraq demək istəyirəm ki, Əziz yazarlar, üstdəki əsəbi tonla yazılmış, hətta nifrət qusan entrylərinizdə ifadə üslublarınız çox sərtdir. Düşünürəm ki, bu adlandırmanın nədən qaynaqlandığını öyrənməyə çalışsanız və ona uyğun yenə öz tutumunuzu sərgiləsəniz daha düzgün olacaq. Tək burda deyil ümumən sözlüyün bütün başlıqlarında anlıq əsəbdən ibarət emosiyaları yox, başlığa uyğun, dolğun məlumatlar görmək məni sevindirir.


Edit: seks işçiləri sizin "saatlıq" qızlarınız deyil. qaçırılaraq terorist qruplara satılan yeniyetmə qız uşaqları, atası, qardaşı tərəfindən satılan qızlar, "porno" videolarının çəkilməsində istifadə edilən kiçik uşaqlar, iş adı altında xarici ölkəyə aparılıb aldadılaraq satılan qadınlar "insan alveri qurbanları" adlanır və onlardan necə istifadə olunur? deyə soruşduqda "seks işçisi" kimi deyirik. çünki onlar fahişə deyil, insan alveri qurbanlarıdır. və o dərs bu insanlara, onlara yardıma həsr edilir.
fahişəliyə gələndə isə sizin dediyiniz "qadınlar"ı necə istəyirsinizsə adlandırın. öz monikanıza necə istəyirsinizsə səslənin. hətta məndən olsa pul üçün hər alçaqlığı edəcək "kişi"lərə də fahişə deyin. mənim məsələm sizin "qızları" təmizə çəkmək deyil. "seks işçisi" sözünün əsl yaranma səbəbini sizə açıqlamaq idi.