58. Sh-ı yenə haradasa başa düşərəm, özünü ancaq ingiliscə yazıb-danışan kimi göstərmək üçün, axşama kimi dablyu ilə yazılar yazdığı üçün ingilis klaviaturasından istifadə edir və azərbaycan dilli klaviatura ona bu yolda mane olur. Bəs niyə bir insan ş yerinə w yazsın ki? Ш-ya bənzədiyi üçün? Bu qədərmi kölə olmağa, özgə malından yeməyə maraqlısınız?
Biz məhv edən bir-birimizə və bu ölkəyə, millətə olan rəftarımızdır. Qrup oyunlarında belə heç bir nailiyyətimizin olmaması bundan irəli gəlir: bir-birimizin arasında yersiz rəqabət aparırıq, dəyər vermirik. Axırı da ortadadır. Kimsə bundan sonra yenə də özünü özgəyə xoş göstərib öz dilinə, milliyətinə, kimliyinə qiymət verməyəcəksə, bizim sonumuz elə də uzaqda olmayacaq. Marjinallaşaraq heç bir şeyə nail olmaq olmaz, elə bədbəxtlik də belə kiçik məsələlərdən doğulur və böyüyür.